মনীপুরা
তেম্প্লেৎ:Infobox settlement তেম্প্লেৎ:Infobox region symbols মনীপুর (কংলৈপাক্) (তেম্প্লেৎ:IPAc-en) অসী অৱাং নোংপোক ইন্দীয়াগী লৈপাক লৈখাই (লম্খাই) অমনী । লৈপাক লৈখাই (লম্খাই) অসীগী কোনুং অসী ইম্ফাল্নী । মনীপুরা অসী নাগালেন্দনা অৱাংদা, মীজোরাম্না মখাদা, অসাম্না নোংচুপ্তা অমদী অৱা লৈপাক্না নোংপোক্তা কোইসীন্দুনা লৈবা লৈপাক মচা অমনী । মসীগী পাক-চাওবা অসী কী.মী. ২২৩২৭ নী । ইং. কুম্চা ২০১১গী মীকোক থীবদা লম অসীগী মীসীং অসী মীলীয়ন ৩মুক ওইখী । লম্দম অসীদা মীতৈ কাংলুপ্ অমদী অতৈ কাংলুপ ময়াম পুননা খুন্দামীননরী । মনীপুরা অসী এসীয়াগী সেনমীৎলোন অমদী চৎনলোনগী ওন্থোক ওন্সীনগী ফাওনা লম্দম ওইদুনা চহী ২৫০০ হেননা লাক্লী।[১] লম্দম অসী ভারৎকী লম্লেন, খাগী লৈপাক, সাইবেরীয়া, মাইক্রোনেসীয়া অমদী পোলীনেসীয়াগা সাংলবা মতম্দগী মী কাংলুপ, চৎনলোন অমদী লাইনীং কয়াগী ফাওদোক ফাওজীনফম ওইদুনা অমদী সম্নদুনা লাক্ই ।[২][৩]
ব্রীতীসনা পানলম্ব মতম্দা, মনীপুরা অসী নীংথৌ পানহন্দুনা লৈপাক ঙাক্পা য়াওহনলম্মী ।[৪] ইং কুম্জা ১৯১৭ দগী ১৯৩৯ ফাওবদা, মনীপুরগী মীওই খরনা মীয়াম্না লৈঙাক্চবা লৈপাক অমা ওইনা তক্সীনলম্ই । ইং কুম্জা ১৯৩০ লোইরক অদুৱাইদা মনীপুরগী লৈপাক ঙাক্পা মীওইসীংনা অৱাগা পুন্বগী মহুৎতা ইন্দীয়াগা পুনগে হাইনা ৱারী সানখী ।
মীতৈ ফুরুপ্ অমদী পাংগল ফুরুপ্ অনী পুন্সীনলগা [৫] অপুন্বা মনীপুরা মীসীংদা চাাদা ৫৩ ওই, নাগা ফুরুপ্না চাদা ২৪ অমদী কুকী ফুরুপ্না চাদা ১৬ ওই ।[৬]. মনীপুরা গী মপুং ওইবনলোন্দী মীতৈলোন (মনীপুরী লোন) না ওই । হাউ কাংলুপ্সীংনা লম্দম অসীগী ২০১১ চহীগী মীকোক থীবগী মতুংইননা চাদা ৪১ ওই।[৭] হাও কাংলুপ্সীংকাংলুপ্সীং অসী লম লম্গী খেৎনবা লোন্সীং অমদী তোঙান তোঙান্বা চৎনবী লৈ। মনীপুরগী ফুরুসীং অসী মখল মখা কয়াগী লাইনীং লীচৎ চৎলী ।[৮] ২০১১ গী মীকোক থীবগী মতুংইননা হীন্দু লাইনীংনা মনীপুরগী মপুং ওইবা লাইনীং ওইরী। মসীগী মতুংদা মীসীংগী মতুংইননা খ্রীসত্যান্ লাইনীং, ইস্লাম্ লাইনীং, সনামহী লাইনীং, জুদাইসম্ লাইনীং নচীংবা লৈরী।[৮][৯]
মনীপুরগী সেনমীৎলোন্ অসী লৌ-ওবা, ওহৈ পাম্বী সীংনা থাবনী, লোইননা ইসীংদগী মৈ সুংবা সু য়াওই। মসী মফম অতৈগা হাইবদী স্তেৎ অতৈগা ইম্ফাল মালেম মালং হীথাংফম্ সীজীননদুনা চৎলী, অৱাং নোংপোক ইন্দীয়াগী ২সুবা চাওবা মালং হীথাংফম্নী ।[১০] মনীপুরা অসী সানা খোৎনবগী লম্দসু থোইদোক হেন্দোক্না মমীং লৈ অমদী মসাননা কয়াগী হৌরক্ফম্সু ওই। মফম অসী জগোই রাসকী হৌরক্ফম্সু ওই।[১১] মফম অসী সাগোল কাংজৈ গী হৌরক্ফম নী অমদী ইওরোপ্ মচাসীংদা মসানা অসী সক্তাক্খীবনী হাইনসু লৌনরী।[১২]
অতোপ্পা মমীংসীং[edit | edit source]
অরীবা পুৱারী লাইরীক্সীংগী মতুং ইননা মনীপুরা অসী কংলৈপাক্, সনালৈপাক্ হাইনসু কৌরম্মী হাইবগী খুদম ফংঙী ।[১৩]
কংলৈ হাইবগী ৱাহন্থোক্তী "কৈলৈপাক্কী/মনীপুরগী" ওইবা, মসীগী ৱাহৈ মনীপুরা স্তেৎ কী মতাংদা নৈনরপা মতম্দা সীজীননৈ ।
পুৱারী[edit | edit source]
Lua error in package.lua at line 80: module 'Module:Hatnote' not found.
মনীপুরগী পুৱারী অসী পুয়াসীংদা নীংথীজনা ইসীনলী (ঐখোইগী ইপা ইপুগী ৱারীসীং) মীং ওইনা পনলবদা নীংথৌ কাংবলোন, পান্থোইবী খোংগুল, অসীনচীংবা অরীবা মীতৈ ময়েক্তা পুৱারী ওইনা ইরম্লীবসীং অসী মাইচৌ অমসুং নীংথৌগী মীৎয়েং মখাদা ইরম্বনী । চীংমী ফুরুপ্সু মসা মসাগী ওইবা ফুংগা-ৱারী অমসুং হৌজীক্সু লীনরীবা ৱারী কয়ামরুম লৈরী । মনীপুরা হাইবসী মীংলেন কয়ামরুম লৈ । সীংথাবা য়াবা খরদী কংলৈপাক্, লাইরৈপাক্ অসীনী । মনীপুরা অসী পুৱারী গী মতম কয়াদা মীংলেন কয়ামরুম কৌদুনা খংনরম্মী, পন্বা য়াবদী তীল্লী কোক্তোং, পোইরৈলম, সনালৈপাক, মীতৈলৈপাক, মৈত্রবাক, নৎত্রগা ঙসী ঙসী কৌনরীবা মনীপুরা অসীনী । মসীগী কোনুং অসী কংলা নৎত্রগা ইম্ফাল (হৌজীক চৎনরীবা) অসী ওইরম্মী । কংলৈপাক অসীদা খুন্দা লৈতারবা ফুরুপ্সীং মীতৈ, পাংগল্, তাংখুল, মরীং, কাবুই, চোথে, মাও, মরাম, পাওমৈ, লম্কাং, কোম, থংগাল, খোংসাই, মারা, পাইতে, অসীনচীংবা অসীনী । মসীগী কোনুং দী ইম্ফাল্গী কংলা নী। মফম্সীদা নীংথৌ কয়া কয়ানা (নীংথৌ ১০৮ হেন্বা না) ১৯৫৫ এ.দী. ফেওবা চহী ৩৫০০ হেন্বা মতম্সী পান্দুনা লাক্লী। নীংথৌ কাংব (১৫সুবা চহীচা বী.সী.) অসী কংলৈপাক্কী খ্বাইদগী ইচু তানা পান্বা নীংথৌ ১ন্বনী হাইনা লৌনৈ । তাংকক খরা ইং. কুম্জা ১১২৯ বী.সী.- ৪৪ বী.সী. পুৱারীগী অচৌবা অহাংবা লৈখ্রীবসী অমাং অতা কয়ামরোম থোক্খীবগীনী ।[১৪]
ময়াই ওইনা লীরবা মতম্[edit | edit source]
ময়াইৱাইরপ ওইরক্পা মতম্সীদদী মনীপুরগী নীংথৌসীংগা থংনবা লৈপাক্সীংগী নীংথৌসীংগা মরী ফগৎহনননবগীদমক য়ুম্পান মরী লৈনবগী চৎনবী অমা সেম্লক্খী। থংনবা লৈপাক্সীং পন্বা য়াবদী অহোম লৈপাক্ (ঙসী ঙসী গী অসাম্) অমদী অৱা লৈপাক্ নী ।[১৪] মতম্সীদা মীরম্লেন হাইবদী ইন্দীয়া গী মফম কয়াদগী মীতোপ মীয়ানচা কয়ামরুম মনীপুরদা লাক্তুনা লৈবা হৌরক্খী। মসী পুম্নমক্সী মীতৈসীংগী পুয়াসীংদা ইরম্বা থেংনৈ। পন্বা য়াবা পুয়াসীংদী পাংগল খুন্থোক্, নোংসামৈ পুয়া, বামোন খুন্থোক্ অসীনচীংবনী।[১৫] নোংসামৈ পুয়া না মনীপুরদা পাংগল্সীং সী বাংলাদেসকী সীল্হেৎতগী লান্দারক্পদা মীতৈসীংনা লানঙম্দুনা লানফা ওইনা ফাহৌবগী ৱারী পল্লী। মসী মীতৈ নীংথৌ খাকেম্পগী সনা হাক্তক্তনী।[১৫] মীতৈ মসেনগী মরক্তা লীংজেল মাননরক্তবদগী অৱা লৈপাক্না লানঙম্খীবা অমদী চহী তরেৎ খুন্তাক্প, মালেম্গী লানজাওনচীংবা থৌদোক কয়ামরুম সীনা লম্দম্সীদা অচৌবা চৈথেং পীখী ।[১৬]
নীংথৌনা পান্বা মতম্[edit | edit source]
Lua error in package.lua at line 80: module 'Module:Hatnote' not found. কুম্জা ১৮২৪ দা, কংলৈপাক (মনীপুরা)গী নীংথৌ অমদী ব্রীতীসা কাংবুসীংগা য়াসীননদুনা ব্রীতীসা ইন্দীয়াগী মখাদা লৈবা অমদী মনীপুরনা মপান লৈপাক ঙাক্সেন তৌবদা অয়াবা পীখী । ব্রীতীসনা মনীপুরবু মসানা মসাবু লৈঙাক্চবা লৈপাক অমা ওইনা সক্খংখী।[১৭] মালেম্গী ২সুবা লানজাওগী মতম্দা মনীপুরদা লানজাও গী লানপুং ওইখী । মসীদা জপান্ লানমী অমদী ব্রীতীসা ইন্দীয়াগী লানমী কয়া লাক্তুনা লান সোক্নখী। জপান্ লানমীসীংদুনা ইম্ফাল্ য়ৌরক্ত্রীঙৈদা ঙাক্থোক্পা ঙম্হৌবদুনা খা নোংপোক এসীয়াগী লানজাও গী পুৱারীদা অচৌবা অহোংবা অমা পুরক্খী।
অনৌবা মতম পুৱারী[edit | edit source]
লানজাও মতুংদা, ব্রীতীসা ইন্দীয়া নীংতম্বা হেননা মাইওন্সীনলক্খী। অদুগা নীংথৌ পান্বা লৈপাক কয়ানা মসা মসাগী লৈপাক কী থৌদা মসানা পাইসীন্বা পাম্লক্খী। Manipur State Constitution Act of 1947 অসী হেক সেম্লক্পগা মনীপুরদা মীয়াম্না লৈঙাক্চবা লৈপাক কী লৈঙাক সেম্লক্খী। মসীদা মনীপুরগী নীংথৌ না লৈপাক কী মকোক ওইবা হাইনা য়ানখী।[১৮] অৱা লৈপাক্না মনীপুরবু লৌসীননবা হোৎনরক্পদগী নীংথৌ বোধচন্দ্রনা ১৯৪৯দা সীল্লোংদা instrument of accession য়ানদুনা খুৎয়েক তৌখী। মসীনা মনীপুরা ইন্দীয়াগী মনুং চল্হনখী।মসীদগী ১৯৪৯ গী ওক্তোবরা থাদগী মনীপুরা লেজীসলেতীভা এসেম্ব্লী মথৌ তৌখীদরে।[১৯] 1956 ফাওবা মনীপুরা ইন্দীয়াগী য়ুনীয়ন তেররীতরী ওইরম্মী, [২০] অদুগা 1972 দা মপুং ফাবা স্তেৎ অমা ওইহনখী।[২১]
মনীপুরা অসী চরীক চরাংনবগী অমদী তংদু লৈতাদবগী পুৱারী মতম সাংনা লৈরক্খী।[২২][২৩] United National Liberation Front (UNLF) (1964) না অহান্বা খুৎলাই পাইবা লাল্হৌলুপ ওইনা থোক্লক্খী। মসীনা মনীপুরা বু ইন্দীয়াদগী নীংখা তম্বা পাম্খী। মতম গী মতুংইননা লাল্হৌলুপ কয়া কয়া চোংথোক্লক্খী।
লম্মীৎ তুমীৎ[edit | edit source]
স্তেৎ অসী লেতীচুদা ২৩°৮৩'N – ২৫°৬৮'N তা অমদী লোংগীচুদা ৯৩°০৩'E – ৯৪°৭৮'E তা মরক্তা লৈ । অপুন্বা পাক চাওবনা তেম্প্লেৎ:Convertনী । লম্দম অসীগী কোনুং অসীনা য়েরুম্গী মওংদা লৈবা লৈতেম মাননবা তম্পাক্নী। মসীগী পাক-চাওবনা তেম্প্লেৎ:Convertনী। মসী হীগোক্ মচুগী চীংসাংসীংনা কোইসীনলী । অমদী মসী মালেম ইমাইদগী তেম্প্লেৎ:Convert ৱাংখৎনা লৈ ।[২৪] তম্পাক অসী অৱাংদগী খা থংবা মাইকৈদা নেম্থৈ । চীংসাং পরেংসীংনা অয়ীং অসা অসী চাং অমদা লৈহল্লী, অৱাং থংবগী লাক্কদবা য়াম্না ইংগদবদগী ঙাক্থোক্ই অমসুং নোংলৈ নুংসীৎসীংদগীসু ঙাক্থোক্ই ।
স্তেৎ অসী ইন্দীয়াগী স্তেৎ ৩না কোইসীল্লী নাগালেন্না অৱাংদা, মীঝোরাম্না খাদা অমদী অসাম্না নোংচুপ্তা অমসুং ময়ানমার লৈপাক্না নোংপোক্তা লৈ ।
স্তেৎ অসী অচৌবা তুরেল কয়া লৈ: বরাক তুরেল্, ইম্ফাল তুরেল্, মনীপুরা তুরেল্নী। মনীপুরগী তুরেল অয়াম্বা লোক্তাক পাৎতা ইসীং তাই ।
মনীপুরা অসী চীং অমদী তম্পাক হাইনা ২ থোক্না খাইদোক্লী। মনীপুরগী চীং মরক্তা খ্বাইদগী ৱাংবা সী তেনেপু চীং নী । তম্পাক তা খ্বাইদগী পাক্পা পাৎ অসী লোক্তাক পাৎ নী ।
লৈপাক লৈহাওগী মতাংদসু ২ থোক্না খাইদোক্লী। মখল ২ অদুদী চীং লৈপাক্ অমদী লৌপুক লৈপাক্ নী ।
নাপী-সীংনা[edit | edit source]
মনীপুরগী চীং অমদী তম্পাক ২মক চহী চুপ্পা মখল মখা কয়াগী পাম্বী সীংনা, হৈ লৈ কয়ানা পান্দুনা,সাৎতুনতা লৈ । মনীপুরগী মফম অয়াম্বদা ৱা পাম্বী মরাং কাইনা হৌবগী খংনরী। লৌও সীংউগী মতাংদনা ফৌ পাম্বী মরাং কাইনা থানরী।
অয়ীং অসা ফীবম্[edit | edit source]
মনীপুরগী অয়ীং অসাগী ফীফম অসী চীং গী লম্না নম্বনা ইং ইং লাওনা অয়াম্বদা লৈ । লম্দম অসী মালেম গী ইরেনপুংগী ইমাইদগী মীতরা ৭৯০ ৱাংখৎনা লৈবা মফম নী । চহী চুপ্পা নোং চুবগী চাং অসী ইম্ফাল্দনা 933 mm দগী তমেংলোং দনা 2593 mm ফাওবা ওই ।
মী কাংলুপ্সীং নৈনব[edit | edit source]
মীসীং[edit | edit source]
তেম্প্লেৎ:India census population মনীপুরা অসী ইং কুম্জা ২০১১ মীকোক থীবগী মতুং ইননা মীওই ২৮,৫৫,৭৯৪ সুরে ।[২৫] অপুন্বা মীওই মসীংদগী চাদা ৫৭.২% অসী তম্পাক্তা খুন্দাই অমদী লেম্হৌরীবা মীওই চাদা ৪২.৮% চীংগী লম্সীংদা খুন্দাই । চীংগী লম্সীংদা লৈঙাক্না সক্খংলবা ফুরুপ ৩০গী মথক্তা য়ুম্লীংঙী অমদী লেম্হৌরীবা ফুরুপ মীতৈ কাংলুপ্ অমদী মীতৈ পাংগল্না তম্পাক্তা য়ুম্লীংই।
| Demographics of Manipur (2011) | |
|---|---|
| অপুন্বা মীসীং | ২,৮৫৫,৭৯৪ |
| নুপা (মীসীং) | ১,৪৩৮,৫৮৬ |
| নুপী (মীসীং) | ১,৪১৭,২০৮ |
| খুংগং মীসীং | ১,৭৩৬,২৩৬ |
| Urban Population | 834,154 |
| Child Sex Ratio | 936 female to 1000 male |
| অকুংবা (per km2) | 115 |
| লাইরীক ময়েক চৎপা | ১,৭৬৮,১৮১ (৮৫.৪%) |
| Towns | 33 |
মী[edit | edit source]
মীতৈ ফুরুপ্না মনীপুরগী খ্বাইদগী মীসীং য়াম্বা মীওই কাংলুপ্নী ।[৫] ইং কুম্জা ১৯০১দা মীকোক থীবদা, মীতৈ ফুরুপ্সী মনীপুরগী অচৌবা ফুরুপ ওইনা লৌনরক্খী ।[২৬]
নাগা অমসুং কুকী অসী ফরুপ ময়াম্না পুন্সীন্বা মনীপুরগী চীংগী লম্সীংদা খুন্দা লৈতাবা মীওইসীংনী । মনীপুরা মনুংদা লৈবা নাগা অসীগী মনুংদা য়াওবা ফুরুপ্সীং অনাল্, লীয়াংমৈ, মাও ফুরুপ্, মরাম ফুরুপ্, মরীং পুরুপ্, পৌমাই, রোংমৈ, তাংখুল্, ঝীমী,অসীনচীংবনী।[২৭][২৮][২৯]
লোন্সীং[edit | edit source]
লম্দম্সীগী লৈঙাক্না সক্খংলবা লোন্সীং অমদী লৈবাক ঙাক্সেন্বদা সীজীননবা লোন্সীংদী মীতৈলোন্ অমসুং ইংলীস নী।
মীতৈ হাইবা ৱাহৈ অসীনা কোন্সীল্লীবসী সনামহী চৎপা লুপ্, মীতৈ হীন্দু, মীতৈ খ্রীসত্যন্, মীতৈ বৌধা লাইনীং চৎপ, মীতৈ পাংগল্, মীতৈ বামোন্ নী। মীতৈ লোন্ (নৎত্রগা মনীপুরী লোন্) অসী মনীপুরা লম্দম অসীগী মাননদবা কাংলুপ কয়াগী ফাওনলোন নী। অসীদসু নৎতনা ইন্দীয়া লৈঙাক কী ৮সুবা সেদ্যুল্দা চল্লবা লোন ২২গী মনুংদা অমনী।[৮]
২০১১ গী মীকোক থীবগী মতুংইননা মনীপুরদা ঙাংনরীবা লোন্সীংদুদী: মীতৈ লোন্ (1,522,132), থাদৌ লোন্ (223,779), তাংখুল লোন্ (183,509), পৌলা লোন্ (135,349), কবুই লোন্ (রোংমৈ লোন্ অমদী ইনপুই লোন্) (109,611), মাও লোন্ (89,011), নেপালী লোন্ (63,756), পাইতে লোন্ (55,031), হমারা লোন্ (49,081), ল্যাংমাই লোন্ (45,546), ভাইপৈ লোন্ (39,902), কুকী চীন লোন ময়াম্ (37,805), মরাম লোন্ (32,098), হীন্দী লোন্ (31,703), বংগালী লোন্ (30,611), অনাল লোন্ (26,508), ঝৌ লোন্ (25,841), মরীং লোন্ (25,657), ঝেমী লোন্ (18,795), কোম লোন্ (14,528), গাংতে লোন্ (15,274), চীরু লোন্ (8,475), খেঝা লোন্ (6,977), মীজো লোন্ (6,500), ), জেল্যাং লোন্ (2,727), অসামীসা লোন্ (2,453), মোন্সাং লোন্ (2,381), দোগ্রী লোন্ (1,853), তমীল লোন্ (1,657), মরাথী লোন্ (1,583), মলয়ালম্ (1,519), পনজাবী লোন্ (1,370), খাসী লোন্ (670), অমদী অতোপ্পা লোন্সীং (37,636) নী।[৩০]
লাইনীং লীচৎ[edit | edit source]
তেম্প্লেৎ:See তেম্প্লেৎ:Pie chart
সনামহী লাইনীং[edit | edit source]
মীতৈ কাংলুপ্ অসী খুনুংগী ওইবা লাইনীং লীচৎ ওইরীবা মীতৈ লাইনীং (নৎত্রগা সনামহী লাইনীং) চৎপা লুপ অমনী। লাইনীং অসী গী সাংলবা পুৱারী কংলৈপাক্ কা মতম চুপ্পদা সাকোননতুনা লৈ ।[৩১] সনামহী লাইনীং অসীদী মরুওইনা লাইনীংথৌ সনামহী অমদী লায়াম্সীংপু ইলাৎচপা, থৌনীচপতা য়ুম্ফম ওইবা লাইনীং নী । অসীদসু নৎতনা মীওইবনা মাগী মাগী মপা মপুসীংবুসু লাইওইখ্রবদা অপোক্প হাইনা খুরুম্জবা গী চৎনবীসু য়াওরী। অসীদসু নৎতনা ওমং, ৱামং য়োক্খৎপগী সরুক অমা ওইনা ওমং লাই খুরুম্জবা, ইলাৎচপা, থৌনীচপা গী চৎনবীসু লৈ । ২১সুবা চহীচাদা লৈঙাক্না সক্খংবীদ্রীবা লাইনীং কয়াগী মনুংদা মী 233,767 মুক্কী মনুংদা সনামহী লাইনীং চৎপা মীসীং 222,315 সুরে।
হীন্দু লাইনীং[edit | edit source]
.jpg){kind=link}
মীতৈ কাংলুপ্ অসী ২০১১ মীকোক থীবগী মতুংইননা মনীপুরগী মীসীং পুল্লপ্সীগী চাদা ৪১.৩৯ মুক হীন্দু লাইনীং চৎলী। মসী অয়াম্বনা মনীপুরগী তম্পাক্তা লৈ । বীস্নুপুরা পনা, থৌবাল পনা, নোংপোক ইম্ফাল পনা, নোংচুপ ইম্ফাল পনা দনা অয়াম্বা লৈ ।
খ্রীসতীএন লাইনীং[edit | edit source]
খ্রীসত্যন লাইনীং অসী মনীপুরগী মীসীং পুল্লপ্সীগী মনুংদা চাদা ৪১.২৯ মুক না চৎলী হাইনা ২০১১ গী মীকোক থীবগী মতুংইননা পল্লী। মসী ১৯সুবা চহীচাদা লম্দম অসীদা লাইনীং সন্দোক্পা লাক্পা মীসীংনা পুরক্খীবনী। ২০সুবা চহীচাদা নোংচুপ লোম্গী মহৈ মসীং তম্লক্পদগী খ্রীসত্যন লাইনীং সন্দোক্পা হেনগৎলক্খী।
ইসলাম্[edit | edit source]
মনীপুরী মুসলীম নৎত্রগা মীতৈ পাংগল অসী মনীপুরা গী অপুন্বা মীসীংগী মনুংদা চাদা ৮.৩ মুক ওইরী হাইনা ২০১১ গী মীকোক থীবগী মতুংইননা পল্লী। সুফী ইসলাম লাইনীং গী লুচীংবা সাহা জলাল দীন অল মুজাররদা অল তরক অল নক্সবন্দী না সীল্হেৎতগী ১৬০৯ দা লাক্তুনা পুরক্খীবনী। মখোইসী সুননী ইসলাম চৎপা লুপ্তা চল্লী ।
লৈঙাক্[edit | edit source]
মনীপুরা লৈঙাক অসী পুননা ফম্থৌ ৬০না সেম্বনী, ফম ১৯দী চীংবুরোইসীংগী খাক্তুনা থম্মী অমসুং ফম ১না চক্পসীংগী খাক্তুনা থম্লী ।[৩২] স্তেৎ অসীদগী মীওই ২ ইন্দীয়া গী পারলীয়ামেন্তা লোক সাভাগী মীহুৎ ওইনা থাই । স্তেৎ অসীনা মীওই ১সু রাজ্য সভাগী মীহুৎ ওইনা থাই।[৩৩] মীহুৎসীং অসী অমুক খনখীবনা চহী ৫গী মতম পাইগনী, চহী ৫ মঙা লৈরগা মীখল্ পাংথোক্কনী মীরেপ থাদোক্নরগা, মীখল অসী ইলেক্সন কমীসন ওফা ইন্দীয়াগী মখাদা পাংথোক্কনী ।[৩৪]
স্তেৎ অসী ওতোনোমসা কাওন্সীল ১ লৈ ।
লাল্হৌবগী ইহৌ[edit | edit source]
মনীপুরা দা লৈঙাক অমদী মীয়াম্গী মরক্তা ৱাখল তাদবা মতাং খরা লৈরুবনা মতম খরা লাল্হৌলুপ খরা থোক্লক্তুনা লৈঙাক কী মায়োক্তা লাল্হৌলক্পগী থৌদোক খরা থোক্খী । মসী কাংলুপ মীতৈ কাংলুপ্, নাগা অমদী কুকী ৩দগীনা মপুং ওইখী । মরুওইনা খংনরীবা লাল্হৌলুপ খরা দী UNLF, PLA, PREPAK, Revolutionary Peoples Front (RPF), Manipur Liberation Front Army (MLFA), Kanglei Yawol Kanba Lup (KYKL), Revolutionary Joint Committee (RJC), Kangleipak Communist Party (KCP), Peoples United Liberation Front (PULF), Manipur Naga People Front (MNPF), National Socialist Council of Nagaland (NSCN-K), National Socialist Council of Nagaland (NSCN-I/M), United Kuki Liberation Front (UKLF), Kuki National Front (KNF), Kuki National Army (KNA), Kuki Defence Force (KDF), Kuki Democratic Movement (KDM), Kuki National Organisation (KNO), Kuki Security Force (KSF), Chin Kuki Revolutionary Front (CKRF), Kom Rem Peoples Convention (KRPC), Zomi Revolutionary Volunteers (ZRV), Zomi Revolutionary Army (ZRA), Zomi Reunification Organisation (ZRO), অমদী Hmar Peoples Convention (HPC) নী। মীতৈ কাংলুপ্ না ইন্দীয়াদগী মনীপুরা তোখাইহননীংই। নাগা না মনীপুরা গী লম সরুক ফনয়াম্বা নাগালীম হাইনা তোঙান্বা লম অমগী সরুক ওইহননীংই। কুকী কাংলুপ্সীংনসু মনীপুরা দগী তোঙান্বা লম অমগী সরুক ওইহননীংই। মসী মনীপুরা গী অপুন্বা গী সক্তম কাইহননীংদবা মীতৈ কাংলুপ্ না সুক্য়া য়ানীংদে। মসীগী য়ানদবসীদগীসু মনীপুরা দা ইরাং মসীং থীঙম্দনা থোক্ই।
সেনমীৎলোন্[edit | edit source]
২০১২-১৩গী gross state domestic product কী মতুংইননা কৈথেল্গী মমল অসী লুপা 10188 ক্রোরা মুক ওইখী ।[৩৫] মনীপুরা গী সেনমীৎলোন্সী অয়াম্বনা লৌও সীংও, ওমংগী পোৎথোক, ললোন ইতীক্নচীংবদা মপাল তাংই ।[৩৬] মনীপুরা না লৈপাক সীগী "Gateway to the East" ওইরী । মোরে ফাওদুনা অৱা লৈপাক্কী তমু ময়োল্লম্সীগা সম্নদুনা ললোন ইতীক তৌরী।মসীনা এসীয়াগী লৈপাক কয়ামরুম গসু ফাওনা লম্বেল ওইহল্লী। মনীপুরা সী ইন্দীয়াগী খুৎসা হৈবা মী খ্বাইদগী য়াম্না লৈবা লম সু ওইরী ।[৩৭]
মৈ (ইলেক্ত্রীসীতী)[edit | edit source]
মনীপুরা মসানা ২০১০ ফাউবদা 0.1 GWh মুক পুথোক্চবা ঙম্মী।[৩৮] মনীপুরা লৈঙাক না ইসীংদগী মৈ সুংনবা থৌসীল কয়ামরুম সু সেম্লক্খী। মসীনা 2 GWh পুথোক্চবা ঙম্নবা পান্দম থম্লী। ২০১০ ফাওবগীদী মনীপুরা মসাগী ২৪/৭ মৈ সীজীননবা কোননবদগী মীরম্দসু য়োনখী।
লৌও সীংও[edit | edit source]
মনীপুরগী অইং-অসা ফীফম ১সুং লৈহাউ ফবা অসীনা ফৌ, ইসা নাপী থাবদা চুসীননবা মফম ১ ওইরী । হীদাক লাংথক্তা কাননবা পীবা পাম্বী মালেম্ অতৈ মফম্দা ইফং ফংদবা অতাংবা হীদাক পাম্বী কয়ামরোম অমদী মনম নুংসীবা পাম্বী কয়ামরোম্সু হৌরী ।[৩৭] মমীং খরা পনলবদা হৈরী, Cashew, Walnut, কোম্লা, চম্পরা, কীহোম্, অৱাথবী, হৈবী, হৈরীৎ, লৈপুংখাং, নোংমাংখা, Passion Fruit, চুম্বরৈ, মাল্হৈ ১সুং হৈখানী ।[৩৬] স্তেৎ অসী ৱা-পাম্বীনা তেম্প্লেৎ:Convert মুক পাক্না হৌরী, মসীনা ইন্দীয়াগী ৱাগী সীন্সাবদা অচৌবা সরুক য়াবা অমা ওইরী ।[৩৭]
চৎথোক চৎসীনগী খুদোংচাব[edit | edit source]
ইম্ফাল মালং হীথাংফম্, অসীনা মনীপুরবু দেল্হী, কোল্কতা, গুৱাহাতী অমদী আগরতালাদা সম্জীননরী। মসী মালেম্গী ওইবা থাক্তা সেম্গৎলী। মসী অৱাং নোংপোক লম্দম্গীদী ২সুবা খ্বাইদগী চাওবা মালং হীথাংফম্নী।[১০] লৈপাক্কী লম্বেল ৩৯ অসীনা মনীপুরবু ইন্দীয়াগী অতৈ মফম্সীংগা সম্জীননরী। মসী দীমাপুরগী রেল লম্বেল গী খুথাংদনী।
লৈপাক্কী লম্বেল ৫৩ অসীনা মনীপুরবু ইন্দীয়াগী অতৈ মফম্সীংগা অসাম্গী সীল্চরগী খুথাংদগী সম্জীননরী। মনীপুরগী লম্বী থোং য়াম ফীফম ফবা ওইদ্রী।[৩৯][৪০] ২০১০দা ইন্দীয়াগী লৈঙাক্না মনীপুরবু ভীয়েৎনাম্গা সম্জীনননবা এসীয়া গী সেম্গৎপগী সরুক অমা ওইবা থৌরাং থৌসীল্লী হাইনা লাওথোক্খী।[৪১] থৌরাং থৌসীল্লীবা Trans-Asian Railway (TAR), অসীনা করীগুম্বা মনীপুরবু ফাওরবদী ইন্দীয়া অমদী অতৈ এসীয়াগী লৈপাক্সীংগা সম্জীননরক্কনী।
লম্কোইব[edit | edit source]
লম্কোইবগী মতম্সী October দগী February ফাওবা ওই । লম্দম্সীগী ঙাক্লৌ সীনলোন, জগোই, সুম্মাং কুম্মৈ, ফম্পাক কুম্মৈ নচীংবা কয়াসীনসু লম্কোইবসীংগী পুক্নীং চীংসীল্লী। অসংবা সংবাননবা হাইবসীনা লম্দম্সীগী মহৌসাগা থাকোননৈ। পন্থা নাইনা সাৎপা সীরুই লীলী পাম্বী অসী ওখ্রুল্দা, জুকো তম্পাক্ অসীনা সেনাপতী পনাদা, সঙাই অমদী লোক্তাক পাৎ অসীনা তম্পাক তা মহৌসাগী লৈতেং ওইরী । সগোল কাংজৈ (হাইবদী পোলো) অসীসু মনীপুরদগী হৌরক্খীবা মসাননা অমনী ।
ইম্ফাল (কোনুং)[edit | edit source]
ময়োল্লম্লেন্ অসী মীতৈ ফুরুপ্না খুন্তাবা মফম্নী অমদী পাংগল্সু খুন্দারী । মফম্সীদা ইম্ফাল মালং হীথাংফম্ সু লৈরী। মফম্সী পনা ২ থোক্না খাইদোক্লী। খুমন লম্পাক মরুওইবা সাননপুং অসী ১৯৯৭দা নেসনেল গেম্সকীদমক সাখীবনী।
পাৎ অমদী ইথৎসীং[edit | edit source]
তেম্প্লেৎ:Multiple image লোক্তাক পাৎ অসী মালেম্গী অমতা ঙাইরবা অতাওবা পাৎ নী । মসী অপীক্পা ইরেনপুংনী হাইনা লৌবসু য়াই। সেন্দ্রা ইথৎতা লম্কোইবসীংগী থুংফম্সু লৈ । পাৎ অসীদা অতাওবা ইথৎ কয়ানা অমদী ফুম্দী কয়ানা লৈতেংদুনা ফজহল্লী।
চীং অমদী তম্পাক্[edit | edit source]
কাইনা চীং অসীনা হীন্দু লাইনীং চৎপা মীতৈসীংগী লাইফম্লেন ওইবদা নৎতনা লম্কোইবসীংগী পুক্নীং চীংসীল্লী। অসীদসু নৎতনা মনীপুরগী লোইবী চীংসাংসীং অসীনা লম্কোইবসীংগী পুক্নীং চীংসীল্লী। তম্পাক তসু মনীপুরগী লম্কোইবসীংগী পুক্নীং চীংসীনফম্ কয়ামরুম লৈ ।
মহৌসাগী লম্কোইবগী পুক্নীং চীংসীনফম্[edit | edit source]
কৈপুল লম্চাও লৈপাক্কী লম্পাক্ অসী সঙাই হাইরীবা তাংলবা সজী মখল অসীগী মহৌসাগী লৈফম ওইবদা নৎতনা মনীপুরগী লম্কোইবগী পুক্নীং চীংসীনফম সু ওইরী । মসী মালেম্গী অমতা ঙাইরবা অতাওবা লৈপাক্কী লম্পাক্ ওইরী ।
ইসীং চাইবীসীং[edit | edit source]
সদু চীরু ইসীং চাইবী, লৈমরাম ইসীং চাইবী অসীনচীংবা ইসীং চাইবী ২০-৩০ মুক মনীপুরগী কাচীন কোয়াদা মহৌসাগী ফজবা দা লৈতেংলী।
মহৌসাগী সুরুং[edit | edit source]
থারোন সুরুং, খাংখুই সুরুং অসীনচীংবা সুরুং কয়ামনা মনীপুরগী পুৱালী মমাংকী কংলৈপাক্কী ৱারী লীরী।
মহৈ-মসীন্[edit | edit source]
মনীপুরা দা মহৈ তম্ফম্সং কয়ামরুম লৈঙাক অমদী লননাইগী লৈ । ইংলীস লোন্দনা অয়াম্বা পরা তাক্ই। 10+2+3 থৌসীল্গী মখাদা মহৈরোইসীংনা জেনরেল নৎত্রগা প্রোফেসনেল লম্বীদা মহৈ মসীং তম্দবগী খুদোংচাবা ফংহল্লী। সীংথানীঙাই ওইবা তাইবং মহৈকোল্সীংদী Manipur University, Central Agricultural University, National Institute of Technology, Manipur, Indian Institute of Information Technology, Manipur, Jawaharlal Nehru Institute of Medical Sciences, Regional Institute of Medical Sciences অমদী Indira Gandhi National Tribal Universityনী।
মনীপুরা সী ইসীংদা তাওদুনা লৈবা মহৈ তম্ফম্সং অহান্বা লোক্তাক পাৎতা তাওদুনা লৈবা Loktak Elementary Floating School সু লৈ ।
পুথোক্পুসীন্[edit | edit source]
নোংথক্[edit | edit source]
ইম্ফাল মালং হীথাংফম্ অসী কংলৈপাক্কী কোনুং ইম্ফাল্দা লৈ মসীনা ইম্ফাল্ দগী কল্কাত, গুৱাহতী, নীও দেল্হী, বেংগালোর অমসুং অগরতালা ফাওনহনলী ।
লম্বী[edit | edit source]
মনীপুরা অসী থংনবা স্তেৎসীংগা নেসনেল হাইৱেসীংগা সম্নৈ ।
রেল লম্বী[edit | edit source]
মনীপুরদা রেল্লম্বী স্তেসন অমা লৈ, জীরীবাম্দা ।
ইনাৎ[edit | edit source]
মনীপুরগী য়েল্হৌঙৈদগী লৈরক্লবা সীনলোন, চৎনলোন কয়াগী মনুংদা সুমাং কুম্মৈ, ফম্পাক কুম্মৈ, পেনা সৈসক্লোন্ অসীনচীংবসী নী ।
মনীপুরা জগোই (জগোই রাসা)[edit | edit source]
Lua error in package.lua at line 80: module 'Module:Hatnote' not found.
মনীপুরী জগোই নৎত্রগা জগোই রাস অসী ইন্দীয়াগী অৱাংবা থাক্কী জগোই ৮গী মনুংদা অমনী ।
কোরসা রীপরচোইরা থীয়েতর[edit | edit source]
ফম্পাক কুম্মৈ সাননপুং অসী ইম্ফাল দা মমীং লৈবা কুম্মৈ সাননপুং অমনী । মসীদা মমীং লৈবা ফম্পাক কুম্মৈ কয়া পুথোক্তুনা লাক্লী।
সানা-খোৎনব[edit | edit source]
মুক্না অসী নম্নবা মসাননা মখল অমনী ।[৪২] মুক্না কাংজৈ, খোং কাংজৈ পুন্সীননরগা সান্বসু থেংনৈ।[৪৩][৪৪]
য়ুবী লাক্পী অসী মনীপুরগী মনাৎকী ওইবা মসাননা অমনী ।[৪৪][৪৫]
ও লাওবী নৎত্রগা ৱু লাওবী অসী মীতৈগী মী লাই তীনগী ৱারী গা সাকোননতুনা লাক্পনা হেল্লোই ৭না সাননখী হাইবগী মতুংইননা নুপীসীংতনা সাননরী । হীয়াং তাননব অসী মনীপুরগী পনা পনা খাইদুনা সাননবা হীয়াং হীলেন্ ইসীংদা লম্জেল তাননবা গী মসাননা অমনী।
সগোল কাংজৈ[edit | edit source]
সগোল কাংজৈ মসাননা মনীপুরদগী হৌরক্খীবা মসাননা অমনী । মসী ব্রীতীসসীংদা সক্তাক্লবমতুংদা মালেম পুম্বদা সন্দোক্খী।
অসীদসু নৎতনা অঙাং নৱাসীংগী ওইবা মসাননা পল্লবদা ফীবুল হাবী, খুৎলোক্পী, চফু থুগাইবী অসীনচীংবা অসী মনীপুরগী কাচীন কোয়াদা ঙসীসু সাননরী।
ইন্দীয়াগী লৈঙাক্না মনীপুরদা লৈপাক্কী অহান্বা নেসনেল স্পারৎসা য়ুনীভরসীতী সাননবা থৌরাংলী।[৪৬]
কুম্হৈ[edit | edit source]
মনীপুরগী কুম্হৈসীংদী লুই-ঙাই-নী, নীংঙোল চাক্কৌব, ইমোইনু নুমীৎ, মেরা হৌচোংব, সীরুই কুম্হৈ, য়াওসং, গান-ঙাই, চুম্ফা হৈক্রু হীদোংবা, ইদা অল-ফীতর, ইদা অল-অদা অমসুং খ্রীসমাস মথক্তা পনলীবা কুম্হৈসীং অসী থাবান্দা য়েংঙগা পাংথোক্পা কুম্হৈনা অয়াম্বনী ।
সঙাই কুম্হৈ ২০১৭ অসী নুমীৎ ১০নী চুপ্না পাংথোক্খী । সঙাই কুম্হৈ অসী মনীপুরদা ফংলীবা সাজী মখল মলেম্গী মফম অতৈদা ফংদরবা য়াম্না তাংবা মনীপুরগা স্তেৎকী সা অসী য়োখৎপগী পান্দম্দা হৌদোক্খীবা কুম্হৈ অমনী মসী ইং কুম্জা ২০১০ দগী হৌরক্খীবনী হাননা পানলম্বা লৈঙাক্সীংনা পাংথোক্লম্বা মনীপুরা তুরীজম কুম্হৈবু মমীং ওন্থোক্তুনা ।
নীংঙোল চাক্কৌব[edit | edit source]
নীংঙোল চাক্কৌবা থৌরম অসী চৈহী খুদীংগী হীয়াংগৈ থাগী ২নী পান্বা নুমীৎ পাংথোক্নৈ ।[৪৭] মসীগী থৌরম অসী লাপ্থোক্নবা ইমুং মনুং পুননা পুনমীননবগী তানজা ১ পী । নীংঙোল চাক্কৌব হাইনা খংনরীবগী মরম্দী নুমীৎ অসীদা মপাম থাদোক্লম্লগা লুহোংখরবা নীংঙোল্ মখৈবু মপা, মমা, মবুং, মৌপা, মচে, মচল্সীংনা চাক্কৌদুনা পুননা থেংনমীননবগী তানজা অসীদগনী । মসীগী থৌরম অসী ইমুং মনুং মরী ফনা লৈনবনী ।
কুৎ[edit | edit source]
লৌরোক্পা মতম নোবেম্বরা থাদা পাংথোক্পা,[৪৮][৪৯] মসীগী কুম্হৈ অসী কুকী ফুরুপ্সীংনা পাংথোক্পা কুম্হৈ অমনী । চৈহী খুদীংগী নোবেম্বরা ১ অসী স্তেৎকী লেপ্পা নুমীৎ হাইবদী কুৎ কুম্হৈ পাংথোক্না ওইরী ।
য়াওসং[edit | edit source]
Lua error in package.lua at line 80: module 'Module:Hatnote' not found. য়াওসং অসী লম্তা থাগী থানীল নুমীৎতগী পাংথোক্নৈ । নুমীৎ অসীদা মাইচৌ লৌরেম্বম খোংনাংথাব পোক্খী হাইনা মীয়াম্না থাজনৈ ।[৫০]
চৈরাওব[edit | edit source]
চৈরাওবা অসী সজীবু থাগী নোংমা পান্বা নুমীৎতা পাংথোক্কই ।
গান-ঙাই[edit | edit source]
গান-ঙাই কুম্হৈ অসী ঝেলীয়ারোং ফুরুপকী য়াম্না চাওবা কুম্হৈনী. মসী নুমীৎ ৫নী চুপ্না পাংথোক্ই অমসুং মসী মলীয়াফম পাল্চা কুম্সীং থপালোন দা য়ুম্ফম ওইদুনা ৱাক্চীং ১৩নী পান্বা নুমীৎতগী হৌই ।
সীংথাবা য়াবা মীওইসীং[edit | edit source]
- হীজম ইরাবোৎ (১৮৯৬-১৯৫১) - লম্য়ান্ব
- ইরোম চনু সরমীলা (পা ১৯৭২) - সৈরেং ইবা অমসুং খুনাই অমুবা চৎনকাংলোনগী ময়োক্তা লৈব
মতেং লৌফম্সীং[edit | edit source]
- ↑ Naorem Sanajaoba (editor), Manipur, Past and Present: The Heritage and Ordeals of a Civilization, Volume 4, Chapter 1: NK Singh, তেম্প্লেৎ:ISBN
- ↑ Naorem Sanajaoba (editor), Manipur, Past and Present: The Heritage and Ordeals of a Civilization, Volume 4, Chapter 4: K Murari, তেম্প্লেৎ:ISBN
- ↑ Trade connection of Manipur with Southeast Asia in Pre British period Part 2 by Budha Kamei.
- ↑ Naorem Sanajaoba (Editor), Manipur, Past and Present: The Heritage and Ordeals of a Civilization, Volume 4, Chapter 2: NT Singh, তেম্প্লেৎ:ISBN
- ↑ ৫.০ ৫.১ Khomdan Singh Lisam, Encyclopaedia Of Manipur, তেম্প্লেৎ:ISBN, pp. 322–347
- ↑ http://www.censusindia.gov.in/2011census/PCA/ST.html
- ↑ http://www.censusindia.gov.in/2011census/PCA/ST.html
- ↑ ৮.০ ৮.১ ৮.২ Cite error: Invalid
<ref>tag; no text was provided for refs namedcensus2011 - ↑ Hueiyen Lanpao | Official Website Manipur Daily.
- ↑ ১০.০ ১০.১ Transportation of Manipur. investinmanipur.nic.in. Retrieved on 1 September 2015 ।
- ↑ Reginald Massey (2004). India's Dances: Their History, Technique, and Repertoire. Abhinav, 177–184. ISBN 978-81-7017-434-9.
- ↑ Cite error: Invalid
<ref>tag; no text was provided for refs namednam.ac.uk - ↑ Naorem Sanajaoba (1988). Manipur, Past and Present: The Heritage and Ordeals of a Civilization. Mittal Publications, 31–32 with footnotes. ISBN 978-81-7099-853-2.
- ↑ ১৪.০ ১৪.১ A BRIEF HISTORY (PUWARI) OF THE MEITEIS OF MANIPUR.
- ↑ ১৫.০ ১৫.১ Naorem Sanajaoba (1988). Manipur, Past and Present: The Heritage and Ordeals of a Civilization. Mittal Publications, 12–14. ISBN 978-81-7099-853-2.
- ↑ Naorem Sanajaoba (1988). Manipur, Past and Present: The Heritage and Ordeals of a Civilization. Mittal Publications, 15–18. ISBN 978-81-7099-853-2.
- ↑ N. Lokendra (1998). The Unquiet Valley: Society, Economy, and Politics of Manipur (1891-1950). Mittal Publications, 36–38. ISBN 978-81-7099-696-5.
- ↑ [https://cadindia.clpr.org.in/historical_constitutions/manipur_state_constitution_act__1947_1st%20January%201947 Manipur State Constitution Act 1947
- ↑ Manipur Merger Agreement, 1949. satp.org. Retrieved on 1 September 2015 ।
- ↑ The Constitution (Amendment). indiacode.nic.in. Retrieved on 1 September 2015 ।
- ↑ Indiacode - Acts.
- ↑ "The mayhem in Manipur" তেম্প্লেৎ:Webarchive The Economist (1 March 2007)
- ↑ "Manipur, India - A safe house for dangerous men" তেম্প্লেৎ:Webarchive The Economist (9 March 2007)
- ↑ fate of loktak lake. e-pao.net. Retrieved on 1 September 2015 ।
- ↑ Manipur Population Census data 2011. Census 2011. Retrieved on 2 September 2017 ।
- ↑ census 1901
- ↑ https://www.tandfonline.com/doi/abs/10.1080/13537113.2014.879768
- ↑ https://shodhganga.inflibnet.ac.in/bitstream/10603/103655/7/07_chapter%204.pdf
- ↑ S. R. Tohring (2010). Violence and identity in North-east India: Naga-Kuki conflict. Mittal Publications, xv–xvii. ISBN 978-81-8324-344-5.
- ↑ http://www.censusindia.gov.in/2011census/C-16.html
- ↑ Bertil Lintner (2015). Great Game East: India, China, and the Struggle for Asia's Most Volatile Frontier. Yale University Press, 113. ISBN 978-0-300-19567-5.
- ↑ State/UT wise Seats in the Assembly and their Reservation Status. Election Commission of India. Retrieved on 23 May 2018 ।
- ↑ Manipur Government তেম্প্লেৎ:Webarchive, Govt of India
- ↑ ECI Manipur তেম্প্লেৎ:Webarchive, Govt of India
- ↑ State wise : Population, GSDP, Per Capita Income and Growth Rate তেম্প্লেৎ:Webarchive Planning Commission, Govt of India; See third table 2011-2012 fiscal year, 16th row
- ↑ ৩৬.০ ৩৬.১ G. Hiamguanglung Gonmei, "Hills Economy of Manipur: A Structural Change", Journal of North East India Studies, Vol. 3, No. 1, January–June 2013, pp. 61–73
- ↑ ৩৭.০ ৩৭.১ ৩৭.২ "Manipur Economy - Snapshot" তেম্প্লেৎ:Webarchive IBEF
- ↑ Manipur Energy তেম্প্লেৎ:Webarchive Govt of Manipur
- ↑ তেম্প্লেৎ:Cite news
- ↑ (2009) The Ninth Assembly Elections in Manipur: A. Prafullokumar Singh – Election Politics in Manipur, 521. ISBN 9788183242790.
- ↑ তেম্প্লেৎ:Cite news
- ↑ Ved Prakash, Encyclopaedia of North-East India, Volume 4, তেম্প্লেৎ:ISBN, pp 1558-1561
- ↑ Gurmeet Kanwal, Defenders of the Dawn, তেম্প্লেৎ:ISBN, pp 48
- ↑ ৪৪.০ ৪৪.১ Khomdan Singh Lisam, Encyclopaedia Of Manipur, তেম্প্লেৎ:ISBN, pp 824-830
- ↑ Indigenous games of Manipur তেম্প্লেৎ:Webarchive Govt of Manipur
- ↑ https://www.thehindu.com/news/national/lok-sabha-passes-bill-to-set-up-sports-varsity-in-manipur/article24594002.ece
- ↑ Khomdan Singh Lisam, Encyclopaedia Of Manipur, তেম্প্লেৎ:ISBN, pp. 607–617
- ↑ Khomdan Singh Lisam, Encyclopaedia Of Manipur, তেম্প্লেৎ:ISBN, pp. 950–961
- ↑ G. K. Ghosh, Shukla Ghosh, Women of Manipur, তেম্প্লেৎ:ISBN
- ↑ Khomdan Singh Lisam, Encyclopaedia Of Manipur, তেম্প্লেৎ:ISBN, pp. 629–632
- Ragini Devi (1990). Dance Dialects of India. Motilal Banarsidass. ISBN 978-81-208-0674-0.
- Saryu Doshi (1989). Dances of Manipur: The Classical Tradition. Marg Publications. ISBN 978-81-85026-09-1.
- Reginald Massey (2004). India's Dances: Their History, Technique, and Repertoire. Abhinav Publications. ISBN 978-81-7017-434-9.
- তেম্প্লেৎ:Citation
- তেম্প্লেৎ:Cite journal
মপানগা সম্নফসীং[edit | edit source]
তেম্প্লেৎ:Wikiquote তেম্প্লেৎ:Commons category লৈঙাক্
ময়াম্গী লৌসীং
- Manipur Encyclopædia Britannica entry
- তেম্প্লেৎ:Dmoz
- তেম্প্লেৎ:Osmrelation-inline