কোহীমাগী খুৎই নুংপাক
কংলৈপাক্ মনীপুর লৈপাক্কী মীতৈ নীংথৌ চীংলেন নোংদ্রেনখোম্বা (নীংথৌ গম্ভীরা সীংহ) না মনীপুরা লেভী সেম্গৎতুনা নাগা চীংসাং পুল্লপ লৌসীন্দুনা খুদুম চনখী । মসীদা ব্রীতীসা লানমীসীংগী মতেং লৌখীবসু লৈখীতে অমদী ব্রীতীসা লানমীসীংনা অথীংবা পীরক্খীবসু লৈখীতে । নাগালেন্গী খ্বাইদগী মরু ওইবা মফম ওইবগী কোনুং ওইহল্লীবা কোহীমাদা অঙামী হাও কাংলুপ পু মীতৈনা লান্দা মাইথীবা পীদুনা লানঙম্বা অমদী খুদুম চন্বদা মাই পাক্পগী নীংসীং খুদম ওইনা খুৎই নুংপাক অমা ইং. কুম্চা ১৮৩৩ দা কোহীমাদা য়ুংখী । নুংপাক অসীদা চীংলেন নোংদ্রেনখোম্বগী মমীং বেংগলী ময়েক্তা হক্তুনা ইরী । মমীংগী মখাদা কংলাসা (নোংসাব) গী সক্তম হক্তুনা থম্লী। মসীগী মখাদা সন্ (নৎত্রগা ইরোই) লাবা অমগী সক্তম হক্লী । অদুগা মখাদা নীংথৌ মসাগী খোংপাক মমীসু মমী তাহন্দুনা থম্লী ।[১][২][৩]
মতেং লৌরক্ফম্[edit | edit source]
- ↑ Sanajaoba, Naorem (1988). Manipur, Past and Present: The Heritage and Ordeals of a Civilization (in en). Mittal Publications. ISBN 978-81-7099-853-2.
- ↑ Sinha (Brigadier.), S. P. (2007). Lost Opportunities: 50 Years of Insurgency in the North-east and India's Response (in en). Lancer Publishers. ISBN 978-81-7062-162-1.
- ↑ Singh, Dr Th Suresh (2014-06-02). The Endless Kabaw Valley: British Created Visious Cycle of Manipur, Burma and India (in en). Quills Ink Publishing. ISBN 978-93-84318-00-0.