রসীয়াগী হরমীতেজা ম্যুজীয়ম
তেম্প্লেৎ:Infobox Museum রসীয়াগী হরমীতেজা ম্যুজীয়ম্ নৎত্রগা হরমীতেজা ম্যুজীয়ম্ অসী মালেম্গী ওইনা খ্বাইদগী চাওবা ম্যুজীয়ম মরীগী মনুংদা অমনী । মসী রসীয়াগী সেনৎ পীতরসবারগতা লৈবা ম্যুজীয়ম্নী । মসী ইং. কুম্জা ১৭৬৪ দা কেথরীন্দা গ্রেৎন লীংখৎখী ।
সেম-সাবা হৌরক্খীব[edit | edit source]
কুম্জা ১৭৬৪ দা কেথরীন দা গ্রেৎনা লীংখৎখীবা অমসুং কুম্জা ১৮৫২ দগী মীয়াম য়েংবা য়াহনখীবা ম্যুজীয়ম অসীদা তোঙান তোঙান্বা পোৎলম মীলীয়ন্ অহুম্লোম লৈ । মালেম্গী খ্বাইদগী লীরবা ম্যুজীয়ম অসীদা অয়েক্পা লাই কয়ামরুম্সু লৈ । কুম্জা ১৭৬৪ দা কেথরীন দা গ্রেৎনা নোংচুপ য়ুরোপ্তা তোপ তোপ্পা মখল্গী অয়েক্পা লাই ২০০ রোম লৈরগা ম্যুজীয়ম থম্বা হৌখীবনী । হৌজীক্তী লীওনারদো দা ভীন্সী, গোগ্রীন꫰ মাইকেল এনজেলো꫰ মানেৎ꫰ মোনেৎ꫰ পীকাসো꫰ রফেল꫰ রেম্ব্রান্দা꫰ রেনোইরা꫰ রোদীন꫰ রুবেন্সা꫰ তীতীয়ন꫰ ভেন গোX꫰ অ মদী অতৈ মমীং চৎলবা লাই য়েক্পসীংনা য়েক্লম্বা লাই কয়ামরুম লৈরে। তোঙান তোঙান্বা মখল্গী অয়েক্পা লাই খ্বাইদগী য়াম্না লৈবা মফম্সু ওইরীবা ম্যুজীয়ম অসী মতম অমদা নীংথৌনা লৈরম্বা কোনুং মনুংগী বীল্দীং তরুক্তা সেম্গৎপনী । মপান লৈবাক্সীংদা ম্যুজীয়ম অসীগী এক্সীবীসন সেন্তরা কয়ামরুম্সু হাংদোক্তুনা থম্লী ।
হরমেতেজা মখল্সীং[edit | edit source]
ম্যুজীয়ম কম্প্লেক্সতা লৈবা বীল্দীং তরুক্কক্ী মনুংদা মঙা ৱীন্তরা পেলেসা, হরমীতেজা মচা, অরীবা হরমীতেজা, অনৌবা হারমীতেজা অমসুং হরমীতেজা থীএতরদা মীচম মীয়াম চংবা য়াহল্লী । অহান্বদা বীল্দীং অমখক ওইরম্বদগী কাইনথংদা কোনুং মনুং অমদী মনাক নক্পদা লৈবা বীল্দীং কয়া ম্যুজীয়ম্গী সরুক ওইনা লৌসীল্লে । ম্যুজীয়ম্দা ওৎলবা পোৎলম্সীংগী মনুংদা ১৩ সুবা চহীচাদগীনা ২০ সুবা চহীচা ফাওবগী ওইনা য়ুরোপীয়ান পেন্তীং꫰ স্ক্লপ্চরা অমদী এপ্লাইদা পারৎ কয়া য়াওরী । হাইরীবা পোৎলম্সীং অদু মরুওইবা বীল্দীং মরীগী অহান্বা অমসুং অনীসুবা মথোল্দা ওৎপনী । কুম্জা ১৮৫২ দগীনা মতুং তারক্পা ফাওবগী ওইবা ইজীপকী পোৎলম কয়াসু ৱীন্তরা পেলেসকী গ্রাওন ফ্লোরদা ওৎলী । মদুগী মনুংদা ঈরবা মতম্গী মেসোপোতামীয়াগী ইনাৎকা মরী লৈনবা পোৎলম্সীংসু য়াওই । জরমন্ আরকীতেক্ লীও ভোন ক্লেনজনা দীজাইন তৌবা ওল অমদী ন্যু হমীতেজা বীল্দীংসীংগী গ্রাওন ফ্লোরগী সরুক অয়াম্বা ক্লাসীকেল এন্তীক্বেতীসীংগী কলেক্সননা মফম কল্লী। অহান্বা ফ্লোরগী খ্বাইদগী চাওবা অমসুং সীংথানীংঙাই ওইবা সরুক্তী ‘হোল ওফা ত্বেন্তী কোলম’ হাইনা খংনবা গ্রেনাইৎ অমদা মারবল্না সেম্বা সরুক অদুনী । ৱেসত্রন পেলেসকী নোংচুপ থংবা সরুক্তা কোকোসসকী প্রীহীস্তোরীক আরতীফেক অমদী কল্চরগা মরী লৈনবা পোৎলম কয়ামরুম গ্রাওন ফ্লোরদা থম্লী । প্রীহীসতোরীক আরতীফেক্সীং অদু রসীয়া অমদী মতম অমগী সোভীএৎ য়ুনীয়নগী তোঙান তোঙান্বা মফম্দগী লৈনুংদগতী ফংখীবা পোলীতীওলীথীক অমদী আইরন এজা মতম্গী পোৎলম ঙাক্তনী । কুম্জা ১৭৬৪ দগী কেথরীন দা গ্রেৎনা বরলীনগী মারচেনৎ জোহান অনরসতা গোৎকোস্কীদগী অয়েক্পা লাই কয়া লৈসীনদুনা ম্যুজীয়মগী মচাক খোম্জীন্বা হৌখী । মপুন্সীদা মহাক্না অয়েক্পা লাই ৪০০꫰ অরীবা লাইরীক ৩৮,০০০ অতাংবা মখল্গী নুং ১০,০০০ সেন্য়েক ১৬,০০০ অমসুং মেদল কয়ামরুম খোম্জীল্লম্মী । কুম্জা ১৯১৭ কী ওক্তোবরা রীভোলুসন মতুং তারক্পদা ইম্পরীএল হারমীতেজা অমদী ৱীন্তরা পেলেসা পুনসীনখীবগা লোইননা স্তেৎকী মরল ওইখী। মতুং তারক্পদা মরুওইবা লননাই ম্যুজীয়ম অয়াম্বা সোভীএৎ গভরনমেনৎনা লৌসীন্বগা লোইননা মতুংদা থম্লম্বা পোৎলম্সীং অমদগী অমদা থাংদোক থাংজীন তৌখী । একাদেমী ওফা আরৎসতা থম্লম্বা ১৯ সুবা চহীচা মতম্গী মরুওইবা পোৎলম কয়ামরুম কুম্জা ১৯২২ দা হরমীতেজদা পুরক্খী । কুম্জা ১৯৩০ দগী কুম্জা ১৯৩৪ ফাওবদা হরমীতেজগী মমল য়াম্লবা পোৎলম লীসীং অনী হেননা নীলাম লাওদুনা য়োন্থোক্খী । কুম্জা ১৯৪১ দা জরমন লানমীসীংনা সোভীএৎ য়ুনীয়ন্দা লান্দারক্পা মতম্দা ম্যুজীয়ম্গী পোৎলম কয়ামরুম পুখীরম্মী । বোম থাদদুনা অমদী নোংমৈ কাপ্সীন্দুনা অমাং অতা থোক্হনখ্রবা মতুংদা নৌনা অমুক সেম্জীল্লগা কুম্জা ১৯৪৪ গী নবেম্বরা ম্যুজীয়ম অদু অমুক হাংদোক্খী । কুম্জা ১৯৪৫ গী নবেম্বরদা হাননগক্ী পোৎলম অয়াম্বা অমুক হননা পুরক্খী। ম্যুজীয়ম্দগী দোল্লরা ৫৪৩꫰০০০ লোম্গী পোৎলম্সীং হুরানখীবা তারবসু কুম্জা ২০০৬ কী অরোইবা সরুক্তা পোৎলম অয়াম্বা অমুক হননা ফংবা ঙম্খী । হৌজীক্তী মালেম্গী তোঙান তোঙান্বা মফম্দা হরমীতেজগী মসা মরেং ফন্দোরক্তুনা এম্সতরদাম꫰ কজান, ইতালী, লেনীনগ্রেদা꫰ বারসেলোনা꫰ ভাদীভোসতোক꫰ সাইবেরীয়া꫰ লীথুৱানীয়া অমদী লন্দনগী সোমরসেৎনচীংবদা হারমীতেজা ম্যুজীয়ম্গী মসা লৈরে । কুম্জা ২০০২ দা অলেক্জেন্দরা সোকুরোভনা হরমীতেজা ম্যুজীয়ম্গী মরম্দা মপুং ফানা ওৎপা রসীয়ান আরৎ কৌবা ফীলম অমা পুথোক্খী। তেলীভীজন সেরীয়েল কয়াসু পুথোক্খ্রে । তোঙান তোঙান্বা পোৎলম মীলীয়না অহুম হেননা লৈবা রীসীয়াগী হরমীতেজা ম্যুজীয়ম অসী মালেম্গী ওইনা আরৎকা মরী লৈনবা পোৎলম খ্বাইদগী য়াম্না লৈবা ম্যুজীয়ম্নী ।