অঙোম চাওপা

অঙোম চাওপ নৎত্রগা অঙোম গোপী (১৭১০-১৭৮০) অসী কংলৈপাক্ (মনীপুর)দা নীংথৌ পাম্হৈবগী মতম্দা লৈরম্বা কোনুংগী থবক থৌরম তৌবদা অচৌবা থৌদাং লৌখীবা মীওই অমনী । নীংথৌ পাম্হৈবনা পুয়া ময়াম খোম্গৎলগা পুয়া মৈ থাব থৌরম অমা তৌরগনী হাইবা মাংজৌননা খংহৌবদগী, মহাক্না নুমীৎ ১৫নী চংনা ৱাকোক্লোন হীলেল থীলেল সলাই অমাইলোন পুকোক পুয়া অসী নীংথৌ খংহন্দনা লোৎনা সীদোক্তুনা তুংদা লাক্কদবা মীরোল্সীংগীদমক থম্বীরম্মী ।

মহাক্না বেংগলী লোন্ অমদী সংস্ক্রীৎ লোন্দা ইবা লোইনসীনলোন (খোরীলোন)দগী মীতৈলোন্দা হন্দোক্পগী থবক্তসু অচৌবা থৌ তৌখী । মহাক্না মীতৈলোন্গী সৈরেং কয়াসু ইরম্মী ।

মহাক্না মহাভারৎকী সরুক অমা ওইরীবা "পরীক্সীৎ" হাইবা ৱারীমচা অসী বেংগলী লোন্দা গংগাদাসা সেন না ইবদগী মীতৈলোন্দা হন্দোক্খী । মহাক্না ওৎতরা কন্দা অসীসু হন্দোক্খী । য়ুবরাজা নবনন্দগী মতম্দা মহাক্না বেংগলী লোন্দা ইবা রাম ক্রীসনদাসনা ইবা ভীরাৎ পরবা অসী মীতৈলোন দা হন্দোক্খী । মসী গংগাদাসা সেনগী মহাভারৎকী সরুক অমা ওইরীবা অস্বমেধা পরবা বু মীতৈলোন্দা লোংজম পরসুরাম্না ১৮সুবা চহীচাগী অরোইবা সরুক্তা হন্দোক্পগী মতুংদা ইখীবনী ।

মহাক্না বেংগলী লোন্দা ক্রীতীবাসনা ইবা রামায়ন্ অসী মীতৈলোন্দা সরুক (তাংকক) ৭ থোক্না খাইদোক্তুনা ইখী । মসী বেংগলী লোনগী লাইরীক অদুগী চপ চানা লোন হন্দোক্পদী নৎতে, হাইবদী মীতৈলোন্দা ইথোরক্পা মতম্দা মহাক্না মহাক্কী ওইবা মওংদা লোইনসীনলোনগী ফজা ফজরবা লৈচল কয়া হাপ্চীন থেৎচীন্দুনা ইখীবনী ।

মসীসু য়েংবীয়ু

• অসাংবম মীনকেতন সীংহ

অহেন্বা পাফম্সীং

• https://books.google.co.in/books?id=Qs4BAAAAMAAJ&q=Angom+Gopi&dq=Angom+Gopi&hl=en&sa=X&ved=2ahUKEwjZ8d_q4s7yAhXEqksFHV9DDOsQ6AF6BAgNEAM
• https://books.google.co.in/books?id=LVpuAAAAMAAJ&q=Angom+Gopi&dq=Angom+Gopi&hl=en&sa=X&ved=2ahUKEwjZ8d_q4s7yAhXEqksFHV9DDOsQ6AF6BAgKEAM
• https://books.google.co.in/books?id=y9gYAAAAYAAJ&q=Angom+Gopi&dq=Angom+Gopi&hl=en&sa=X&ved=2ahUKEwiYiseG5c7yAhVN73MBHe_ADdk4ChDoAXoECAEQAw
• https://books.google.co.in/books?id=ZCMqAAAAYAAJ&q=Angom+Gopi&dq=Angom+Gopi&hl=en&sa=X&ved=2ahUKEwjZ8d_q4s7yAhXEqksFHV9DDOsQ6AF6BAgGEAM