অসুপ্পা চৎনা-কাংলোন
অসুপ্পা চৎনা কাংলোন্ নৎত্রগা অসুপ্পা চৎনা পথাপ্ (ইংলীস: কোন্স্তীত্যুসন, Constitution; বংগালী: সোংবীধান, আইন, Saṃvidhāna, Ā'in) অসী মনীং তম্বা লৈপাক্ অমগী খ্বাইদগী অৱাংবা থাক্কী চৎনা কাংলোন (চৎনা পথাপ) নী । মসী অয়াম্বা মতম্দা লাইরীক্কী মওংদা ইথোক্তুনা থম্নৈ । কংলৈপাক্ (মনীপুর)গীসু ১১-১২সুবা চহীচাদা নীংথৌ লোয়ুম্বনা পান্বা মতম্দা লোয়ুম্বা সীন্য়েন্ (লোয়ুম্পা সীন্য়েন্) কৌবা লৈপাক্কী অসুপ্পা চৎনা কাংলোন থম্লম্মী । মসী ব্রীতীসকী লৈঙাক্তগী নীং-খা তম্লবা মতম্দা কংলৈপাক্না "মনীপুরা কোন্স্তীত্যুসন" সেম্জরম্মী । অদুবু ইকুই কুইদনা মনীপুরা ইন্দীয়াদা তীনখীদুনা মসাগী অসুপ্পা চৎনা কাংলোন থুপ্চীনখীবা তারম্মী । ইন্দীয়া লৈপাক্কী ইন্দীয়াগী অসুপ্পা চৎনা কাংলোন্ (ইংলীস: ইন্দীয়ান কোন্স্তীত্যুসন, হীন্দী, বংগালী: ভারতীয়া সংবীধান, Bhāratīya Saṃvidhāna) লৈজৈ ।