মীতৈলোন পু অৱাংপা থাক্কী লোন ওইহননপকী খোংচং

তেম্প্লেৎ:See Error creating thumbnail: File missing মীতৈলোন্ হাইবসী ইন্দীয়া অৱাং-নোংপোক্তা লৈবা মনীপুরদা মরুওইনা ঙাংনবা তীবেতো-বরমন কাংলুপ্তা চীংবা লোন অমনী । ভারৎ লৈঙাক্না সক্খংলবা লোন (সেদুল লোন) ২২ সীংগী মনুংদা মীতৈলোন্সীসু অমনী । লোন অসী মসাগী চহী ৩৫০০ মুক্কী সাংলবা পুৱারী লৈজৈ। ইন্দীয়া গী লোইসীনলোন অমদী লোনগী মসীন য়াৎপা কাংপুনা পীবা কাংলোনগী মতুংইননা করীগুম্বা লোন অমনা হাইরীবা মখাদা পীরীবা কাংলোন্সীং অসী মতীক চানা সুরবদী অৱাংপা থাক্কী লোন (ক্লাসীকেল লোন) ওইপা য়াগনী হাইরী:

১। লোন অসী চহী ২০০০ দগী হেন্বা পুৱারী লৈজগদবনী।

২। লোন অসী মসাগী ওইবা লোইসীনলোন গী নীংথীজবা মসাগী মরন লৈজগদবনী।

৩। লোন অসী মসা মতোম্তা হৌজরক্পা ওইগদবনী। হাইবদী অতোপ্পা লোন দগী ওল্লক্পা নৎত্রগা থংথরক্পা ওইরোইদবনী।

৪। লোন অসী মসাগী ইননবা ময়েক লৈজগদবনী।

হাইরীবা পীরীবা কাংলোন্সীং অসী মীতৈলোন হাইরীবা লোন অসী দা মপুং ফানা চুসীননরবা ফাওবদা ইন্দীয়া লৈঙাক্না লোন অসীবু অৱাংপা থাক্কী লোন নী হাইনা লাওথোক্ত্রীবসী য়াম্না লাইবক থীবনী।

হৌজীক ফাওবদা লৈঙাক্না অৱাংপা থাক্কী লোন (ক্লাসীকেল লোন) নী হাইনা লাওথোক্খ্রবা লোন সীং অদুদী সন্স্ক্রীৎ, তমীল, তেলুগু, মলয়ালম, কননদা অমদী ওরীয়া নী।