ꯁꯥꯢꯈꯣꯝ ꯃꯤꯔꯥꯕꯥꯢ ꯆꯅꯨ

ꯇꯦꯝꯄ꯭ꯂꯦꯠ:Infobox sportsperson ꯁꯥꯏꯈꯣꯝ ꯃꯤꯔꯥꯕꯥꯏ ꯆꯅꯨ (ꯁꯥꯢꯈꯣꯝ ꯃꯤꯔꯥꯕꯥꯢ ꯆꯅꯨ) (꯱꯹꯹꯴ ꯑꯒꯁ ꯸ꯗ ꯄꯣꯛꯈꯤ) ꯑꯁꯤ ꯏꯟꯗꯤꯌꯥꯒꯤ ꯑꯔꯨꯝꯕ ꯊꯥꯡꯒꯠꯄꯤ ꯁꯥꯟꯅꯔꯣꯏ ꯑꯃꯅꯤ ꯫ ꯃꯍꯥꯛꯅ ꯏꯟꯗꯤꯌꯥꯒꯤ ꯱ꯟꯕ ꯃꯦꯗꯜ, ꯁꯤꯜꯚꯔꯒꯤ ꯃꯦꯗꯜ ꯇꯣꯀ꯭ꯌꯣ ꯑꯣꯂꯤꯝꯄꯤꯛꯁ ꯲꯰꯲꯰ꯇ ꯑꯔꯨꯝꯕ ꯊꯥꯡꯒꯠꯄꯒꯤ ꯂꯝꯗ ꯐꯪꯗꯨꯅ ꯏꯟꯗꯤꯌꯥꯒꯤ ꯃꯥꯢ ꯑꯃꯗꯤ ꯃꯤꯡꯆꯠ ꯄꯨꯔꯛꯈ꯭ꯔꯦ ꯫ ꯲꯰꯱꯴ ꯗꯒꯤ ꯍꯧꯅ ꯃꯥꯂꯦꯝꯒꯤ ꯊꯥꯛꯇ ꯄꯥꯡꯊꯣꯛꯄ ꯁꯥꯟꯅꯕꯒꯤ ꯊꯧꯔꯝ ꯀꯌꯥ ꯆꯥꯡ ꯅꯥꯢꯅ ꯁꯔꯨꯛ ꯌꯥꯗꯨꯅ ꯂꯥꯛꯇꯨꯅ ꯃꯍꯥꯛꯅ ꯃꯥꯂꯦꯝꯒꯤ ꯑꯔꯨꯝꯕ ꯊꯥꯡꯒꯠꯄꯒꯤ ꯂꯝꯗ ꯃꯦꯗꯜ ꯀꯌꯥ ꯐꯪꯈꯤ ꯫ ꯃꯍꯥꯛꯁꯤ ꯏꯟꯗꯤꯌꯥ ꯂꯩꯉꯥꯛꯅ ꯄꯗ꯭ꯃ ꯁ꯭ꯔꯤ ꯃꯅꯥ ꯄꯤꯗꯨꯅꯁꯨ ꯏꯀꯥꯢ ꯈꯨꯝꯅꯈ꯭ꯔꯦ ꯫ ꯃꯍꯥꯛꯁꯤ ꯲꯰꯱꯸ꯗ ꯏꯟꯗꯤꯌꯥ ꯂꯩꯉꯥꯛꯅ ꯔꯥꯖꯤꯚ ꯒꯥꯟꯙꯤ ꯈꯦꯜ ꯔꯠꯅ ꯃꯅꯥ ꯄꯤꯗꯨꯅꯁꯨ ꯏꯀꯥꯢ ꯈꯨꯝꯅꯈ꯭ꯔꯦ ꯫

ꯃꯍꯥꯛꯅ ꯲꯰꯰꯴ ꯒꯤ ꯁꯝꯃꯔ ꯑꯣꯂꯤꯝꯄꯤꯛꯁ ꯇ ꯅꯨꯄꯤꯒꯤ ꯑꯔꯨꯝꯕ ꯊꯥꯡꯒꯠꯄꯒꯤ ꯂꯝꯗ ꯁꯤꯜꯚꯔ ꯃꯦꯗꯜ ꯑꯃ ꯐꯪꯂꯛꯈꯤ ꯫ ꯃꯁꯤꯗ ꯃꯍꯥꯛꯅ ꯃꯥꯂꯦꯝꯒꯤ ꯔꯦꯀꯣꯔꯗ ꯊꯨꯒꯥꯢꯈꯤ ꯫ ꯲꯰꯱꯸ꯇ ꯃꯍꯥꯛꯅ ꯀꯃꯟꯋꯦꯜꯊ ꯃꯁꯥꯟꯅꯗ ꯁꯅꯥꯒꯤ ꯃꯦꯗꯜ ꯐꯪꯂꯛꯈꯤ꯫ ꯃꯍꯥꯛꯀꯤ ꯈ꯭ꯋꯥꯢꯗꯒꯤ ꯆꯥꯎꯕ ꯃꯥꯢꯄꯥꯛꯄꯗꯤ ꯲꯰꯱꯷ꯗ ꯑꯃꯦꯔꯤꯀꯥꯗ ꯄꯥꯡꯊꯣꯛꯈꯤꯕ ꯃꯥꯂꯦꯝꯒꯤ ꯑꯔꯨꯝꯕ ꯊꯥꯡꯒꯠꯄꯒꯤ ꯂꯝꯗ ꯁꯅꯥꯒꯤ ꯃꯦꯗꯜ ꯑꯃ ꯐꯪꯂꯛꯈꯤꯕꯁꯤꯅꯤ ꯫

ꯑꯉꯟꯕ ꯄꯨꯟꯁꯤ

ꯁꯥꯏꯈꯣꯝ ꯃꯤꯔꯥꯕꯥꯏ ꯆꯅꯨ, ꯃꯤꯇꯩ ꯅꯤꯡꯉꯣꯜ ꯑꯁꯤ ꯃꯅꯤꯄꯨꯔꯒꯤ ꯅꯣꯡꯄꯣꯛ ꯏꯝꯐꯥꯜ ꯄꯅꯥ ꯃꯅꯨꯡꯆꯟꯅ ꯂꯩꯕ ꯅꯣꯡꯄꯣꯛ ꯀꯛꯆꯤꯡ ꯀꯧꯕ ꯂꯝꯗꯝ ꯏꯪ ꯀꯨꯝꯖꯥ ꯱꯹꯹꯴ ꯗ ꯄꯣꯛꯈꯤ ꯫ ꯃꯍꯥꯛꯀꯤ ꯏꯃꯨꯡ ꯃꯅꯨꯡꯅ ꯌꯥꯝꯅ ꯉꯟꯂꯤꯉꯩ ꯆꯩꯍꯤ ꯱꯲ ꯁꯨꯔꯨꯛꯄ ꯃꯇꯝꯗ ꯁꯥꯏꯈꯣꯝ ꯃꯤꯔꯩꯕꯥꯏꯒꯤ ꯃꯄꯥꯡꯒꯜ ꯈꯪꯕ ꯉꯝꯈꯤ ꯫ ꯃꯍꯥꯛꯀꯤ ꯃꯕꯨꯡꯅ ꯉꯝꯗꯕ ꯁꯔꯨꯛꯐꯥꯎ ꯃꯍꯥꯛꯅ ꯁꯤꯡ ꯑꯔꯨꯝ ꯑꯔꯨꯝꯕ ꯀꯌꯥ ꯏꯔꯥꯏ ꯂꯥꯏꯅ ꯊꯥꯡꯒꯠꯇꯨꯅ ꯄꯨꯕ ꯉꯝꯃꯤ ꯫

ꯄꯨꯟꯁꯤꯒꯤ ꯐꯤꯔꯦꯞ

ꯃꯤꯔꯥꯢꯕꯥꯢ ꯆꯅꯨꯒꯤ ꯑꯍꯥꯟꯕ ꯈ꯭ꯋꯥꯢꯗꯒꯤ ꯆꯥꯎꯕ ꯑꯍꯣꯡꯕꯗꯤ ꯲꯰꯱꯴ ꯒꯤ ꯀꯃꯟꯋꯦꯜꯊ ꯃꯁꯥꯟꯅꯗ ꯁꯤꯜꯚꯔꯒꯤ ꯃꯦꯗꯜ ꯐꯪꯂꯛꯈꯤꯕꯁꯤꯅꯤ ꯫

Error creating thumbnail: File missing

꯲꯰꯱꯶ꯗ ꯈꯥ ꯑꯦꯁꯤꯌꯥ ꯒꯤ ꯃꯁꯥꯟꯅꯗ ꯃꯤꯔꯥꯢꯕꯥꯢ ꯆꯅꯨ ꯫

ꯃꯤꯔꯥꯢꯕꯥꯢ ꯆꯅꯨ ꯑꯁꯤ ꯲꯰꯱꯶ ꯒꯤ ꯁꯝꯃꯔ ꯑꯣꯂꯤꯝꯄꯤꯛꯁꯇ ꯑꯔꯨꯝꯕ ꯊꯥꯡꯒꯠꯄꯒꯤ ꯂꯝꯗ ꯁꯥꯅꯕ ꯆꯪꯕ ꯉꯝꯈꯤ ꯫ ꯑꯗꯨꯕꯨ ꯃꯍꯥꯛ ꯃꯁꯥꯒꯤ ꯑꯅꯥꯕꯅ ꯃꯔꯝ ꯑꯣꯢꯔꯒ ꯃꯥꯢ ꯄꯥꯛꯄꯗꯤ ꯉꯝꯈꯤꯗꯦ ꯫ ꯲꯰꯱꯷ꯗ ꯃꯍꯥꯛ ꯁꯅꯥꯒꯤ ꯃꯦꯗꯜ ꯑꯃꯦꯔꯤꯀꯥꯗ ꯄꯥꯡꯊꯣꯛꯈꯤꯕ ꯃꯥꯂꯦꯝꯒꯤ ꯑꯔꯨꯝꯕ ꯊꯥꯡꯒꯠꯄꯒꯤ ꯃꯁꯥꯟꯅꯒꯤ ꯂꯝꯗ ꯐꯪꯈꯤ ꯫

꯲꯰꯲꯱ ꯗ, ꯃꯤꯔꯥꯢꯕꯥꯢ ꯆꯅꯨ ꯅ ꯏꯟꯗꯤꯌꯥ ꯃꯆꯥ ꯁꯝꯃꯔ ꯑꯣꯂꯤꯝꯄꯤꯛꯁ ꯃꯁꯥꯟꯅꯗ ꯃꯦꯗꯜ ꯐꯪꯕ ꯉꯝꯕ ꯑꯍꯥꯟꯕ ꯑꯃꯗꯤ ꯃꯊꯟꯇ ꯑꯣꯢꯔꯤ ꯫ ꯑꯗꯨꯒ ꯑꯔꯨꯝꯕ ꯊꯥꯡꯒꯠꯄ ꯒꯤ ꯂꯝꯗ ꯅ ꯲ꯁꯨꯕ ꯃꯐꯝ ꯀꯟꯈꯤ ꯫ ꯆꯍꯤ ꯲꯷ꯋꯨꯔꯕꯤ ꯃꯍꯥꯛꯅ ꯀꯦꯖꯤ ꯸꯶ ꯂꯨꯝꯕꯐꯥꯎ ꯊꯥꯡꯒꯠꯇꯨꯅ ꯃꯥꯂꯦꯝꯒꯤ ꯔꯦꯀꯣꯔꯗ ꯆꯟꯈꯤ ꯑꯃꯗꯤ ꯕ꯭ꯔꯣꯟꯖ ꯃꯦꯗꯜ ꯐꯪꯈꯤ ꯫ ꯃꯁꯤꯗꯒꯤ ꯃꯍꯥꯛ ꯇꯣꯀ꯭ꯌꯣ ꯑꯣꯂꯤꯝꯄꯤꯛꯁꯇ ꯆꯪꯅꯕ ꯈꯨꯗꯣꯡꯆꯥꯕ ꯐꯪꯈꯤ꯫

꯲꯰꯱꯸ ꯀꯃꯟꯋꯦꯜꯊ ꯃꯁꯥꯟꯅꯗ ꯃꯍꯥꯛꯅ ꯀꯦꯖꯤ ꯱꯹꯶, ꯀꯦꯖꯤ ꯸꯶, ꯀꯦꯖꯤ ꯱꯱꯰ ꯌꯥꯝ ꯂꯥꯢꯅ ꯊꯥꯡꯒꯠꯇꯨꯅ ꯏꯟꯗꯤꯌꯥꯒꯤꯗꯃꯛ ꯁꯅꯥꯒꯤ ꯃꯦꯗꯜ ꯐꯪꯈꯤ ꯫ ꯃꯁꯤꯗꯒꯤ ꯃꯍꯥꯛꯅ ꯃꯁꯥꯟꯅ ꯑꯁꯤꯒꯤ ꯔꯦꯀꯣꯔꯗ ꯆꯟꯕ ꯉꯝꯈꯤ ꯫ ꯃꯁꯥꯟꯅ ꯑꯁꯤꯗ ꯃꯍꯥꯛꯀꯤ ꯇꯧꯕ ꯉꯝꯕꯒꯤ ꯃꯇꯤꯛ ꯃꯌꯥꯢ ꯈ꯭ꯋꯥꯢꯗꯒꯤ ꯎꯠꯄꯤ ꯑꯣꯢꯈꯤ ꯫ ꯃꯍꯥꯛꯅ ꯲꯰꯱꯹ꯒꯤ ꯑꯦꯁꯤꯌꯥꯟ ꯑꯔꯨꯝꯕ ꯊꯥꯡꯒꯠꯄꯒꯤ ꯃꯁꯥꯟꯅ ꯒꯤ ꯆꯥꯡꯗꯝꯅꯕꯗ ꯕ꯭ꯔꯣꯟꯖ ꯃꯦꯗꯜ ꯐꯪꯈꯤ꯫ ꯃꯁꯤꯗ ꯃꯍꯥꯛ ꯈꯖꯤꯛꯇꯪꯗ ꯕ꯭ꯔꯣꯟꯖ ꯃꯦꯗꯜ ꯐꯪꯗꯨꯅ ꯋꯥꯠꯍꯧꯕꯅꯤ꯫ ꯲꯰꯱꯹ꯒꯤ ꯃꯥꯂꯦꯝꯒꯤ ꯑꯔꯨꯝꯕ ꯊꯥꯡꯒꯠꯄꯒꯤ ꯃꯁꯥꯟꯅ ꯒꯤ ꯆꯥꯡꯗꯝꯅꯕꯗ ꯃꯍꯥꯛꯅ ꯀꯦꯖꯤ ꯲꯰꯱ ꯊꯥꯡꯒꯠꯇꯨꯅ ꯴ꯁꯨꯕ ꯃꯐꯝ ꯀꯟꯈꯤ꯫ ꯃꯁꯤꯒꯤ ꯃꯍꯥꯛꯀꯤ ꯃꯥꯢ ꯄꯥꯛꯄ ꯑꯁꯤ ꯏꯟꯗꯤꯌꯥ ꯒꯤ ꯑꯣꯢꯅ ꯀꯦꯖꯤ ꯴꯹ꯒꯤ ꯂꯝꯗꯗꯤ ꯔꯦꯀꯣꯔꯗ ꯑꯃ ꯑꯣꯢꯈꯤ꯫ ꯃꯍꯥꯛꯅ ꯃꯍꯥꯛꯀꯤ ꯔꯦꯀꯣꯔꯗ ꯑꯁꯤ ꯊꯥ ꯴ꯒꯤ ꯃꯇꯨꯡꯗ ꯲꯰꯲꯰ ꯒꯤ ꯁꯦꯅꯤꯌꯔ ꯅꯦꯁꯅꯦꯜ ꯑꯔꯨꯝꯕ ꯊꯥꯡꯒꯠꯄꯒꯤ ꯃꯁꯥꯟꯅ ꯒꯤ ꯆꯥꯡꯗꯝꯅꯕꯗ ꯁꯅꯥꯒꯤ ꯃꯦꯗꯜ ꯐꯪꯗꯨꯅ ꯑꯃꯨꯛꯀ ꯊꯨꯒꯥꯢꯈꯤ꯫

ꯃꯤꯔꯥꯕꯥꯢ ꯆꯅꯨ ꯅ ꯲꯰꯲꯰ꯗ ꯇꯣꯀ꯭ꯌꯣ ꯒꯤ ꯁꯝꯃꯔ ꯑꯣꯂꯤꯝꯄꯤꯛꯁꯇ ꯏꯟꯗꯤꯌꯥꯒꯤ ꯱ꯟꯕ ꯃꯦꯗꯜ ꯐꯪꯕ ꯁꯥꯟꯅꯔꯣꯢ ꯑꯣꯢꯈꯤ꯫ ꯃꯁꯤ ꯃꯃꯥꯡꯗ ꯀꯔꯅꯝ ꯃꯂꯦꯁ꯭ꯋꯔꯤ ꯅ ꯑꯣꯂꯤꯝꯄꯤꯛꯁꯇ ꯑꯔꯨꯝꯕ ꯊꯥꯡꯒꯠꯄꯒꯤ ꯃꯁꯥꯟꯅ ꯒꯤ ꯆꯥꯡꯗꯝꯅꯕꯗ ꯃꯦꯗꯜ ꯐꯪꯈꯤꯕꯗꯨꯒꯤ ꯲ꯁꯨꯕꯅꯤ꯫ ꯏꯟꯗꯤꯌꯥꯒꯤ ꯁꯦꯂꯨꯡꯕ ꯃꯀꯣꯛ ꯅꯔꯦꯟꯗ꯭ꯔ ꯃꯣꯗꯤꯅ ꯃꯤꯔꯥꯕꯥꯢ ꯆꯅꯨ ꯅ ꯃꯦꯗꯜ ꯐꯪꯂꯛꯄꯁꯤꯗ ꯅꯨꯉꯥꯢꯕ ꯐꯣꯡꯗꯣꯛꯂꯗꯨꯅ ꯑꯁꯨꯝꯅ ꯍꯥꯢ: "India is elated with happier start and a stupendous performance".

ꯃꯅꯥ ꯃꯊꯨꯝ

ꯃꯅꯤꯄꯨꯔꯒꯤ ꯁꯦꯂꯨꯡꯄꯨꯔꯦꯜ ꯅꯣꯡꯊꯣꯝꯕꯝ ꯕꯤꯔꯦꯟꯅ ꯃꯤꯔꯥꯕꯥꯢ ꯆꯅꯨꯕꯨ ꯂꯨꯄꯥ ꯂꯥꯈ ꯲꯰ (ꯃꯤꯂꯤꯌꯟ ꯲) ꯃꯅꯥ ꯑꯣꯢꯅ ꯄꯤꯗꯨꯅ ꯏꯀꯥꯢ ꯈꯨꯝꯅꯅꯤ ꯂꯥꯎꯊꯣꯛꯈ꯭ꯔꯦ ꯫ ꯲꯰꯱꯸ꯗ ꯃꯍꯥꯛ ꯑꯁꯤ ꯏꯟꯗꯤꯌꯥꯒꯤ ꯈ꯭ꯋꯥꯢꯗꯒꯤ ꯂꯩꯕꯥꯛ ꯃꯆꯥꯂꯤꯡꯒꯤ ꯊꯥꯛ ꯋꯥꯡꯕ ꯃꯅꯥ "ꯔꯥꯖꯤꯚ ꯒꯥꯟꯙꯤ ꯈꯦꯜ ꯔꯠꯅ" ꯃꯅꯥ ꯄꯤꯗꯨꯅ ꯏꯟꯗꯤꯌꯥ ꯂꯩꯉꯥꯛꯅ ꯏꯀꯥꯢ ꯈꯨꯝꯅꯈ꯭ꯔꯦ ꯫ ꯲꯰꯱꯸ꯗ ꯃꯍꯥꯛ ꯑꯁꯤ ꯏꯟꯗꯤꯌꯥ ꯂꯩꯉꯥꯛꯅ ꯄꯗ꯭ꯃ ꯁ꯭ꯔꯤ ꯃꯅꯥ ꯄꯤꯗꯨꯅ ꯏꯀꯥꯢ ꯈꯨꯝꯅꯈ꯭ꯔꯦ ꯫ ꯲꯰꯱꯹ꯗ ꯀꯇꯔ ꯃꯥꯂꯦꯝꯒꯤ ꯃꯁꯥꯟꯅꯗ ꯁꯅꯥꯒꯤ ꯃꯦꯗꯜ ꯐꯪꯈꯤ ꯫ ꯃꯍꯥꯛꯅ ꯲꯰꯲꯰ꯗ ꯇꯣꯀ꯭ꯌꯣ ꯑꯣꯂꯤꯝꯄꯤꯛꯁꯇ ꯁꯤꯜꯚꯔ ꯃꯦꯗꯜ ꯐꯪꯈꯤ ꯫