ꯎꯈ꯭ꯔꯨꯜ ꯄꯅꯥ
ꯎꯈ꯭ꯔꯨꯜ ꯄꯅꯥ ꯑꯁꯤ ꯃꯅꯤꯄꯨꯔꯒꯤ ꯆꯤꯡꯒꯤ ꯄꯅꯥ ꯑꯃꯅꯤ ꯫ ꯃꯐꯝꯁꯤ ꯒꯤ ꯍꯦꯗꯀ꯭ꯋꯥꯇꯔ (ꯂꯩꯉꯥꯛꯐꯝ ꯃꯀꯣꯛ) ꯇꯤ ꯎꯈ꯭ꯔꯨꯜ ꯅꯤ꯫ ꯃꯐꯝꯁꯤ ꯃꯄꯨꯡ ꯑꯣꯢꯅ ꯆꯤꯡꯃꯤ ꯀꯥꯡꯂꯨꯞ ꯀꯌꯥꯅ ꯈꯨꯟꯗꯥꯏ꯫
.svg){kind=link}
ꯂꯣꯟ ꯑꯃꯗꯤ ꯃꯤ ꯀꯥꯡꯂꯨꯞ ꯁꯦꯝꯒꯠꯂꯨ
ꯇꯦꯝꯄ꯭ꯂꯦꯠ:See ꯇꯥꯡꯈꯨꯜ ꯍꯥꯢꯕ ꯃꯤꯡ ꯑꯁꯤ ꯃꯈꯣꯢꯅ ꯌꯨꯝꯊꯪꯅꯅ ꯂꯩꯃꯤꯟꯅꯔꯤꯕ ꯃꯤꯇꯩ ꯀꯥꯡꯂꯨꯞꯅ ꯊꯣꯟꯈꯤꯕꯅꯤ꯫ ꯑꯋꯥꯡ ꯊꯪꯕꯗ ꯂꯩꯕ ꯇꯥꯡꯈꯨꯜꯁꯤꯡꯕꯨ ꯂꯨꯢꯄꯥ ꯍꯥꯢꯅꯁꯨ ꯀꯧꯅꯔꯝꯃꯤ꯫ ꯅꯥꯒꯥ ꯍꯥꯢꯕ ꯃꯤꯡ ꯑꯁꯤꯗꯤ ꯕꯔꯃꯤꯖ (ꯃ꯭ꯌꯥꯟꯃꯥꯔ)ꯁꯤꯡꯅ ꯃꯈꯣꯢ ꯑꯃꯁꯨꯡ ꯃꯥꯟꯅꯕ ꯀꯥꯡꯂꯨꯞꯁꯤꯡꯗ ꯄꯤꯈꯤꯕ ꯃꯤꯡꯅꯤ ꯫ ꯃ꯭ꯌꯥꯟꯃꯥꯔ ꯗ ꯅꯥꯒꯥ ꯍꯥꯢꯕꯗꯤ ꯅꯥꯍꯨꯠꯄ ꯍꯥꯢꯕꯅꯤ ꯫ ꯅꯥ ꯂꯥꯎꯅ ꯍꯨꯠꯄ ꯑꯁꯤ ꯇꯥꯡꯈꯨꯜꯁꯤꯡ ꯌꯥꯎꯅ ꯅꯥꯒꯥꯁꯤꯡꯒꯤ ꯃꯔꯛꯇ ꯄꯥꯛ-ꯁꯟꯅ ꯆꯠꯅꯔꯝꯃꯤ꯫ ꯇꯥꯡꯈꯨꯜꯁꯤꯡ ꯑꯁꯤ ꯃꯥꯂꯦꯝꯒꯤ ꯃꯐꯝ ꯈꯨꯗꯤꯡꯗ ꯁꯟꯗꯣꯔꯛꯈ꯭ꯔꯤꯕ ꯑꯆꯧꯕ ꯃꯣꯡꯒꯣꯂꯣꯢꯗꯁꯤꯡꯒꯤ ꯆꯥꯗꯥ ꯅꯧꯗꯥꯅꯤ꯫ ꯂꯣꯟꯒꯤ ꯂꯝꯗ ꯌꯦꯡꯕꯗ ꯃꯈꯣꯢ ꯑꯁꯤ ꯁꯤꯅꯣ-ꯇꯤꯕꯦꯇꯟ ꯂꯣꯟ ꯀꯥꯡꯂꯨꯞ ꯇ ꯃꯅꯨꯡ ꯆꯜꯂꯤ꯫ ꯃꯗꯨꯒꯤ ꯑꯃꯨꯛ ꯃꯅꯨꯡꯗ ꯇꯤꯕꯦꯇꯣ-ꯕꯔꯃꯟ ꯂꯣꯟ ꯀꯥꯡꯂꯨꯞ ꯇ ꯆꯜꯂꯤ꯫
ꯄꯨꯋꯥꯔꯤ ꯑꯃꯗꯤ ꯆꯠꯅ ꯂꯣꯟꯆꯠ ꯁꯦꯝꯒꯠꯂꯨ
ꯈ꯭ꯋꯥꯢꯗꯒꯤ ꯂꯤꯔꯕ ꯇꯥꯡꯈꯨꯜꯁꯤꯡꯒꯤ ꯌꯨꯝꯁꯤ ꯈꯥꯀꯤ ꯂꯩꯄꯥꯛ ꯇꯅꯤ꯫ ꯃꯥꯢꯀꯩ ꯀꯌꯥꯗ ꯑꯇꯣꯞꯄ ꯃꯐꯝ ꯀꯌꯥꯗ ꯁꯩꯗꯥꯡꯗꯨꯅ ꯍꯧꯔꯛꯈꯤ꯫ ꯀꯥꯡꯂꯨꯞ ꯑꯃꯅ ꯅꯣꯡꯄꯣꯛ ꯑꯃꯁꯨꯡ ꯀꯥꯡꯂꯨꯞ ꯑꯃꯅ ꯈꯥ ꯅꯣꯡꯄꯣꯛ ꯂꯣꯝꯗ ꯆꯠꯈꯤꯗꯨꯅ ꯇꯥꯡꯈꯨꯜꯁꯤꯡ ꯑꯃꯗꯤ ꯑꯇꯩ ꯑꯄꯤꯛꯄ ꯅꯥꯒꯥ ꯀꯥꯡꯂꯨꯞ ꯁꯤꯡ ꯑꯣꯢꯈꯤ꯫
ꯇꯥꯡꯈꯨꯜꯁꯤꯡ ꯅ ꯑꯇꯣꯞꯄ ꯅꯥꯒꯥ ꯀꯥꯡꯂꯨꯞ ꯁꯤꯡꯒ ꯂꯣꯢꯅꯅ ꯃꯅꯤꯄꯨꯔ, ꯅꯥꯒꯥꯂꯦꯟ, ꯑꯁꯥꯝ ꯑꯃꯁꯨꯡ ꯑꯔꯨꯅꯥꯆꯜ ꯄ꯭ꯔꯗꯦꯁꯇ ꯐꯥꯎꯔꯒ ꯆꯪꯂꯛꯈꯤ꯫ ꯃꯈꯣꯢꯅ ꯇꯥꯡꯀꯛ ꯅꯥꯢꯅ ꯏꯟꯗꯤꯌꯥ ꯑꯃꯗꯤ ꯑꯋꯥ ꯂꯩꯄꯥꯛ ꯇ ꯆꯪꯁꯤꯟꯗꯨꯅ ꯂꯩꯈꯤ ꯫ ꯇꯥꯡꯈꯨꯜꯁꯤꯡ ꯑꯃꯗꯤ ꯃꯥꯎ, ꯄꯥꯎꯃꯩ, ꯃꯔꯥꯝ ꯑꯃꯗꯤ ꯊꯥꯡꯒꯥꯜꯁꯤꯡꯒ ꯄꯨꯟꯅ ꯂꯥꯛꯃꯤꯟꯅꯔꯒ ꯁꯦꯅꯥꯄꯇꯤ ꯄꯅꯥꯒꯤ ꯃꯈꯦꯜ ꯈꯨꯟꯗ ꯀꯥꯢꯅꯈꯤ ꯫ ꯀꯥꯢꯅꯈꯤꯕꯁꯤ ꯅꯤꯡꯁꯤꯡꯕ ꯑꯣꯢꯅ ꯃꯈꯦꯜ ꯈꯨꯟ ꯗ ꯅꯤꯡꯁꯤꯡ ꯈꯨꯐꯝ ꯌꯨꯡꯗꯨꯅ ꯂꯩꯔꯤ꯫
ꯇꯥꯡꯈꯨꯜꯁꯤꯡ ꯅ ꯏꯔꯦꯟꯄꯨꯡꯗ ꯐꯪꯕ ꯃꯣꯢꯕꯨꯡ ꯃꯈꯜ ꯀꯌꯥꯗꯒꯤ ꯁꯥꯕ ꯂꯩꯇꯦꯡ ꯀꯌꯥ ꯁꯤꯖꯤꯟꯅꯩ꯫ ꯀꯣꯡꯁꯥꯡ, ꯍꯨꯢꯂꯣꯟꯅꯆꯤꯡꯕ ꯑꯁꯤ ꯃꯣꯢꯕꯨꯡ ꯃꯈꯜ ꯀꯌꯥꯗꯒꯤ ꯁꯥꯕ ꯂꯩꯇꯦꯡ ꯅꯤ꯫
ꯑꯔꯤꯕ ꯃꯇꯝꯒꯤ ꯇꯥꯡꯈꯨꯜꯁꯤꯡ ꯒꯤ ꯄꯨꯋꯥꯔꯤ ꯗꯤ ꯀꯌꯥ ꯂꯩꯇꯦ ꯑꯗꯨꯕꯨ ꯱꯳ꯁꯨꯕ ꯆꯍꯤꯆꯥꯗ ꯇꯝꯄꯥꯛꯀꯤ ꯃꯤꯑꯣꯢꯁꯤꯡꯒ ꯆꯠꯅꯂꯣꯟꯆꯠ ꯑꯃꯗꯤ ꯂꯂꯣꯟ ꯏꯇꯤꯛ ꯀꯤ ꯊꯕꯛꯇ ꯃꯔꯤ ꯂꯩꯅꯔꯝꯃꯤ꯫ ꯃꯤꯇꯩ ꯅꯤꯡꯊꯧ ꯊꯋꯥꯟꯊꯥꯕ ꯒꯤ ꯃꯇꯝꯗ ꯇꯥꯡꯈꯨꯜꯁꯤꯡ ꯒꯤ ꯃꯇꯥꯡꯗ ꯄꯜꯂꯝꯕ ꯊꯦꯡꯅꯩ꯫
ꯂꯝꯀꯣꯢꯐꯝꯁꯤꯡ ꯁꯦꯝꯒꯠꯂꯨ
ꯏꯔꯦꯟꯄꯨꯡꯒꯤ ꯏꯃꯥꯢꯗꯒꯤ ꯐꯤꯠ ꯵꯴꯵꯳ ꯋꯥꯡꯕꯗ ꯈꯨꯟꯗꯥꯔꯤꯕ ꯃꯐꯝꯅꯤ꯫ ꯎꯈ꯭ꯔꯨꯜ ꯃꯌꯣꯜꯂꯝ ꯑꯁꯤꯗ ꯌꯥꯝꯅ ꯍꯔꯥꯎ ꯇꯔꯥꯝꯕ ꯇꯥꯡꯈꯨꯜ ꯅꯥꯒꯥ ꯀꯌꯥꯅ ꯑꯇꯩ ꯃꯄꯥꯜꯒꯤ ꯃꯤꯑꯣꯢ ꯈꯔꯒ ꯂꯩꯃꯤꯟꯅꯔꯤ꯫ ꯎꯈ꯭ꯔꯨꯜ ꯄꯅꯥ ꯒꯤ ꯃꯐꯝ ꯃꯀꯣꯛ (ꯍꯦꯗꯀ꯭ꯋꯥꯇꯔ) ꯑꯁꯤ ꯏꯝꯐꯥꯜꯗꯒꯤ ꯅꯦꯁꯅꯦꯜ ꯍꯥꯢꯋꯦ (ꯂꯩꯄꯥꯛꯀꯤ ꯂꯝꯕꯦꯜ) ꯱꯵꯰ꯗ ꯀꯤꯂꯣꯃꯤꯇꯔ ꯸꯴ ꯂꯣꯝ ꯆꯠꯂꯒ ꯂꯩ ꯫ ꯃꯁꯤ ꯆꯥꯎꯔꯥꯛꯅ ꯄꯨꯡ ꯳ ꯂꯣꯝ ꯒꯤ ꯈꯣꯡꯆꯠ ꯑꯣꯢꯒꯅꯤ꯫ ꯂꯝꯕꯦꯜ ꯑꯁꯤꯅ ꯎꯈ꯭ꯔꯨꯜ, ꯀꯣꯍꯤꯃꯥ ꯑꯃꯗꯤ ꯖꯦꯁꯥꯃꯤ ꯐꯥꯎꯔꯒ ꯁꯝꯅꯍꯜꯂꯤ꯫
꯲꯰꯱꯱ ꯃꯤꯀꯣꯛ ꯊꯤꯕꯗ ꯎꯈ꯭ꯔꯨꯜ ꯄꯅꯥ ꯑꯁꯤ ꯂꯥꯢꯔꯤꯛ ꯍꯩꯕꯒꯤ ꯆꯥꯡ ꯑꯁꯤ ꯆꯥꯗ ꯸꯱.꯸꯷ ꯑꯣꯢ꯫ ꯃꯐꯝ ꯑꯁꯤꯗ ꯂꯣꯟ ꯃꯈꯜ ꯀꯌꯥꯃꯔꯨꯝ ꯇꯣꯉꯥꯟ ꯇꯣꯉꯥꯟꯕ ꯈꯨꯟꯁꯤꯡꯗ ꯉꯥꯡꯅꯔꯤ ꯑꯗꯨꯕꯨ ꯍꯨꯟꯐꯨꯟ (ꯎꯈ꯭ꯔꯨꯜ)ꯒꯤ ꯂꯣꯟ ꯑꯁꯤꯅ ꯃꯌꯥꯝꯒꯤ ꯐꯥꯎꯅꯂꯣꯟ ꯑꯣꯢꯔꯤ꯫
ꯎꯈ꯭ꯔꯨꯜ ꯒꯤ ꯑꯏꯪ ꯑꯁꯥ ꯑꯁꯤ ꯌꯥꯝꯅ ꯅꯨꯉꯥꯢꯕ ꯆꯥꯡꯗ ꯳° ꯁꯦꯜꯁꯤꯌꯁ ꯗꯒꯤ ꯳꯳° ꯁꯦꯜꯁꯤꯌꯁ ꯐꯥꯎꯕꯒꯤ ꯃꯅꯨꯡꯗ ꯂꯩ ꯫ ꯆꯥꯡꯆꯠꯇ ꯅꯣꯡꯆꯨꯕꯒꯤ ꯆꯥꯡꯅ ꯃꯤꯂꯤꯃꯤꯇꯔ:১,৭৬৩.৭ (১৯৯১) ꯅꯤ꯫ ꯎꯈ꯭ꯔꯨꯜ ꯀꯥꯂꯦꯟ ꯒꯤ ꯃꯇꯝ ꯗ ꯅꯣꯡ ꯇꯥꯢ ꯑꯗꯨꯒ ꯅꯤꯡꯊꯝꯒꯤ ꯃꯇꯝ ꯗ ꯀꯪꯏ ꯑꯃꯗꯤ ꯏꯪꯉꯤ꯫ ꯎꯈ꯭ꯔꯨꯜ ꯑꯁꯤ ꯑꯦꯄ꯭ꯔꯤꯜ ꯊꯥꯗꯒꯤ ꯑꯒꯁꯠ ꯊꯥ ꯐꯥꯎ ꯕꯗꯤ ꯅꯣꯡ ꯇꯥꯢ ꯑꯗꯨꯒ ꯑꯣꯛꯇꯣꯕꯔ ꯊꯥꯗꯒꯤ ꯃꯥꯔꯆ ꯊꯥ ꯐꯥꯎ ꯕꯗꯤ ꯀꯣꯢꯔꯛꯄꯗ ꯈ꯭ꯋꯥꯢꯗꯒꯤ ꯅꯨꯉꯥꯢꯕ ꯃꯇꯝ ꯅꯤ꯫
ꯎꯈ꯭ꯔꯨꯜ ꯑꯁꯤ ꯆꯍꯤꯆꯨꯞꯄ ꯂꯩꯕ ꯀꯨꯝꯃꯩꯁꯤꯡꯒꯤ ꯗꯃꯛ ꯃꯃꯤꯡ ꯆꯠꯂꯤ ꯫ ꯃꯁꯤꯅ ꯂꯝꯀꯣꯢꯕꯁꯤꯡꯒꯤ ꯄꯨꯛꯅꯤꯡ ꯆꯤꯡꯁꯤꯜꯂꯤ꯫ ꯃꯔꯨ ꯑꯣꯢꯕ ꯀꯨꯝꯃꯩꯁꯤꯡꯗꯤ ꯂꯨꯢꯔꯥ (ꯃꯔꯨ ꯃꯔꯥꯡ ꯍꯨꯟꯕꯒꯤ ꯀꯨꯝꯃꯩ), ꯃꯪꯈꯥꯞ (ꯄꯣꯊꯥ ꯀꯨꯝꯃꯩ), ꯊꯥꯔꯤꯑꯣ (ꯂꯧꯂꯣꯛ ꯀꯨꯝꯃꯩ) ꯑꯁꯤꯅꯆꯤꯡꯕꯁꯤꯅꯤ꯫ ꯀꯨꯝꯃꯩꯁꯤꯡ ꯑꯁꯤꯗ ꯇꯥꯡꯈꯨꯜꯁꯤꯡꯒꯤ ꯃꯦꯡꯂꯕ ꯅꯤꯡꯊꯤꯔꯕ ꯆꯠꯅꯕꯤꯒꯤ ꯏꯁꯩ ꯑꯃꯗꯤ ꯖꯒꯣꯢ ꯒꯤ ꯃꯑꯣꯡꯁꯤꯡꯅ ꯑꯎꯕꯁꯤꯡꯕꯨ ꯁꯨꯝꯍꯠꯂꯤ꯫
ꯎꯈ꯭ꯔꯨꯜ ꯒꯤ ꯁꯤꯔꯨꯢ ꯂꯩꯔꯥꯡ (ꯂꯤꯂꯤꯌꯝ ꯃꯦꯛꯂꯤꯅ꯭ꯌꯦꯏ) ꯒꯤꯗꯃꯛ ꯃꯃꯤꯡ ꯆꯠꯂꯤ, ꯂꯩ ꯑꯁꯤ ꯎꯈ꯭ꯔꯨꯜ ꯃꯌꯣꯜꯂꯝ ꯗꯒꯤ ꯅꯣꯡꯄꯣꯛꯂꯣꯝꯗ ꯆꯠꯂꯒ ꯂꯩꯕ ꯁꯤꯔꯨꯢ ꯀꯥꯁꯣꯡ ꯆꯤꯡꯊꯛꯇ ꯃꯍꯧꯁꯥꯒꯤ ꯑꯣꯢꯅ ꯍꯧꯏ꯫ ꯑꯗꯨꯒ ꯈꯥꯡꯈꯨꯢ ꯁꯨꯔꯨꯡꯒꯤ ꯗꯃꯛꯁꯨ ꯎꯈ꯭ꯔꯨꯜ ꯃꯃꯤꯡ ꯆꯠꯂꯤ ꯫ ꯃꯁꯛ ꯅꯥꯢꯔꯕ ꯂꯝꯄꯥꯛ ꯁꯤꯡ, ꯆꯤꯡꯗꯣꯜꯁꯤꯡ ꯑꯃꯗꯤ ꯏꯁꯤꯡ ꯆꯥꯢꯕꯤꯁꯤꯡ ꯑꯅꯛꯄ ꯑꯃꯗꯤ ꯑꯀꯣꯢꯕꯗ ꯂꯩꯔꯤ꯫ ꯗꯟꯀꯥꯟ ꯂꯝꯄꯥꯛ ꯑꯃꯗꯤ ꯑꯦꯜ ꯁꯥꯗꯥꯢ ꯂꯝꯄꯥꯛ ꯑꯁꯤ ꯂꯝꯀꯣꯢꯕꯁꯤꯡꯒꯤ ꯆꯥꯛꯆꯥ ꯍꯩꯆꯥꯐꯝ ꯑꯣꯢꯅ ꯃꯐꯝ ꯆꯥꯔꯕ ꯃꯐꯝ ꯅꯤ꯫ ꯈꯌꯥꯡ ꯏꯁꯤꯡ ꯆꯥꯢꯕꯤ ꯑꯃꯗꯤ ꯑꯉꯣꯆꯤꯡꯒꯤ ꯑꯁꯨꯛꯄ ꯎꯃꯪ ꯑꯁꯤ ꯂꯝꯀꯣꯢꯕꯁꯤꯡꯒꯤ ꯑꯃꯗꯤ ꯊꯋꯥꯢ ꯌꯥꯎꯕꯁꯤꯡꯅ ꯍꯦꯟꯅ ꯊꯤꯖꯤꯟꯕ ꯌꯥꯕ ꯃꯐꯝ ꯀꯌꯥ ꯂꯩꯔꯤ꯫ ꯂꯨꯡꯍꯥꯔ ꯁꯤꯍꯥꯢ ꯐꯥꯡꯔꯩ ꯍꯥꯅꯧꯒꯤ ꯂꯝꯄꯥꯛ ꯑꯣꯢꯔꯤꯕ ꯆꯤꯡꯇꯨꯝ ꯑꯃꯗꯤ ꯀꯆꯧꯐꯨꯡ ꯄꯥꯠ ꯑꯁꯤ ꯉꯩꯍꯥꯛ ꯄꯣꯊꯥꯐꯝ ꯒꯤ ꯅꯨꯉꯥꯢꯔꯕ ꯃꯐꯝ ꯅꯤ꯫ ꯏꯁꯤꯡ ꯆꯥꯢꯕꯤ ꯀꯌꯥ, ꯁꯨꯔꯨꯡ ꯀꯌꯥ, ꯆꯤꯡꯗꯣꯜꯁꯤꯡ ꯅ ꯎꯈ꯭ꯔꯨꯜ ꯒꯤ ꯃꯅꯨꯡꯗ ꯂꯩꯔꯤ꯫ ꯃꯁꯤꯅ ꯎꯈ꯭ꯔꯨꯜ ꯕꯨ ꯑꯁꯪꯕ ꯃꯌꯣꯜꯂꯝ ꯑꯣꯢꯍꯜꯂꯤ꯫ ꯁꯤꯡꯆꯥ ꯀꯥꯆꯨꯢ, ꯃꯣꯚꯥ ꯁꯨꯔꯨꯡ, ꯃꯣꯔꯥꯡ ꯊꯨꯝꯈꯣꯡ, ꯀꯥꯆꯥꯢ ꯆꯝꯄ꯭ꯔꯥ, ꯁꯤꯔꯥꯔꯈꯣꯡ ꯃꯣꯔꯣꯛ, ꯁꯪꯁꯛ ꯂꯥꯟ ꯅꯤꯡꯁꯤꯡ ꯈꯨꯐꯝ ꯑꯁꯤꯅꯆꯤꯡꯕꯁꯤ ꯄꯟꯕ ꯌꯥꯢ꯫
ꯁꯤꯔꯨꯢ ꯀꯥꯁꯣꯡ ꯆꯤꯡꯊꯛꯇ ꯃꯦ ꯑꯃꯗꯤ ꯖꯨꯟ ꯊꯥ ꯒꯤ ꯃꯇꯝ ꯗ ꯁꯤꯔꯨꯢ ꯂꯩꯔꯥꯡꯅ ꯃꯔꯥꯡꯀꯥꯢꯅ ꯁꯥꯠꯂꯤ꯫ ꯈꯥꯡꯈꯨꯢ ꯁꯨꯔꯨꯡ ꯑꯃꯗꯤ ꯃꯣꯚꯥ ꯁꯨꯔꯨꯡ ꯲ ꯑꯁꯤ ꯑꯥꯔꯀꯦꯌꯣꯂꯣꯖꯤ (ꯑꯔꯤꯕ ꯄꯣꯠꯂꯝ ꯅꯩꯅꯂꯣꯟ) ꯊꯋꯥꯢ ꯌꯥꯎꯕꯁꯤꯡꯅ ꯊꯤꯖꯤꯟꯕ ꯌꯥꯕ ꯃꯐꯝ ꯅꯤ꯫