ৱাখল মান্বা মমী সক্তম কাপ্পা

ফাইল:Denkmal für die ermordeten Juden Europas .jpg ৱাখল মান্বা মমী সক্তম কাপ্পা (Abstract photography) নৎত্রগা পোৎসক নৎতবা মমী সক্তম কাপ্পা (non-objective) নৎত্রগা চাংয়েংগী মমী সক্তম কাপ্পা (experimental or conceptual photography) অসী মমী সক্তম কাপ্পা গী মওং অমনী। মসী মালেম তাইপংপাল অসীদা অসেংবা তসেং তসেংনা লৈবা পোৎসক নৎতবা দু মমী সক্তম গী মওং দা পুথোক্ননবা হোৎনবনী। মসী সেম্ননবা হোৎনবদা মমী সক্তম কাপ্নবা খুৎসু খুৎলাই কয়া অমদী থৌরাং কয়া সীজীননৈ। অসীগুম্বা মখল্গী মমী সক্তম কাপ্পা অসীনা মহৌসাগী ওইবা মমী সক্তম অমদগী করীগুম্বা সক্তম মচেৎ অমা খাইদোক্হন্বা য়াই। মসীদগী অনৌবা মওং অমগী অৱোইবা নৎতবা ৱাখল না সাগৎপা ওইবা মমী সক্তম অমা সেম্গনী। মসীদা মচু, মঙাল, মমী, মওং অমদী ইহুল ফাওবা য়াওহন্বা ঙম্মী। মমী সক্তম অসী পুথোক্ননবা হোৎনবদা হাননগী খুৎলাই কেমেরা, অমম্বা কা, কম্প্যুতরনচীংবা কয়াসু সীজীননবা য়াই। মসী নৎত্রগা অনৌবা মতম্গী কেমেরা সুক্সীন সীজীননদনা মমী কুম্হৈ (মমী কুম্মৈ) অমদগী নৎত্রগা চে অমদগী নৎত্রগা কম্প্যুতরদা য়াওবা মমী সক্তম অমদগী হক্থেংননা হেক্তা চীংথোক্লগা সেম্বসু য়াই।