অঙাংদগী মাইরেন ওন্বা (ৱারী)
"অঙাংদগী মাইরেন ওন্বা" হাইরীবা অসী কংলৈপাক্ (মনীপুর)গী মীতৈগী ফুংগাৱারী (মৈতৈগী ফুংগাৱারী) অমনী ।
ৱারী[edit | edit source]
থাইনা থাইনা মমাংঙৈদা য়াম্না সাওগন্বা নীংথৌ অমা পাল্লম্মী। অদুগা মচা লৈজদবা মতৈ মনাও অমসু লৈরম্মী। মতৈ মনাও অদুনা লাই দা মচা ফংজনবা খুরুম্জরম্মী। অদুদগীদী লাই না মখোইদা মচা অমা থৌজান্বীরম্মী। থাবুম ১০ নাওপুরবতুংদা নুপী অদুনা নুপা মচা অমা পোক্লম্মী। অদুবু মখোইগী নুঙাইবসী তুংকোইরম্দে।
অঙাং অদু হেক পোক্পগা নুমীৎ ৬নী সুবদা অঙাং অদু অহীং নুংথীল ২মক কপ্লম্মী।অয়ুক্তগীনা নুমীদাং ফাওবা কপ্লম্মী।
মখোইগী য়ুম্থংনবা ফাওবদা ঙৈহাক্তা লৈতাফম খংহন্দ্রে। মখোইনা অমনা অমদা হংনরম্মী। "কনাগী অঙাং নো? খুল অসীগী নুঙাইবসী লোইনা মাংহল্লে।" অদুবু অঙাং অদু লাউনা লাওনা কপ্পা হেনগৎলক্লম্মী। কপ্পগী লাংবা নীন্বসী নীংথৌ গী কোনুং য়ৌরক্লম্মী। নীংথৌ অদু তুম্বা য়ারম্দে। মহাক্কী মথৌ অমতা নীংথীজনা তৌবা ঙম্লম্দে।
অসীগী নীংথৌ না মনাইসীংদা "নখোই মখোল্দু তাবরা? অঙাং অদু সীদা পুরক্ও।"
মখোল্দু লাক্পা মাইথৈদা চৎলদুনা নীংথৌ মনাইসীংদুনা মতৈ মনাও অদুগী ময়ুম য়ৌরক্লম্মী।
"য়ুম্সীবু মী লৈবরো?", মখোইনা হংলম্মী। নুপা অদু থোক্লক্ই।
"নীংথৌ না নখোই গী অঙাং অদু কোনুং দা পুরক্নবা য়াথং তাওথরক্লী।", মখোইনা মতৈ মনাও অদুদা হাই।
নুপা অদু চমম্নরম্মী। মখোইনা হাইরীবদু করীনো খংলম্দে। নীংথৌ মনাইসীংদুনা নম্দুনা ইমুংদা চংই। অঙাং মমা অদু অঙাং সুম্ননবা হোৎনরম্মী।
অঙাং মমা অদু গী য়ানীংদবদু ওবদা নীংথৌ মনাইসীংদুনা নম্দুনা অঙাং অদু মুন্দুনা কোনুং দা পুরক্লম্মী। অঙাং নুপা মচা অদু কপ্পা লেপ্লম্দে। নীংথৌ না মদু ওবদা অঙাং অদু লৈপাক্তা ফুম্জীনখীনবা (লৈরোন চনখীনবা) মথংগী নুমীৎতা হাইনা হাইরম্মী।
অসুম্না, অঙাং অদু মীহাৎপা নুপা অমদা খুৎসীননরম্মী। মতৈ মনাও অদুনা পাও অদু তারম্মী। মখোই তুম্বা য়ারম্দে। নুপী অদুনা ওইরুম ওইরুম তৌরক্পদা কনানো অমা পপাংদা লেপ্লম্মী।
"নংগী অঙাং অদু হয়েং লৈপাক্তা ফুম্জীনখ্রনী। নখোইবানী মোংফম অমা সেম্মু। নুং অমমম থাথরম্মু মফম্দুদা অদুগা তুং হননা য়েংলম্দনা নয়ুম্দা চৎখো। য়ুম্দা ফমুংদা অঙাং অদু অমুক লৈরম্গনী। মহাক অমুক হননা কপ্লরোই।"
নুপী অদু হৌগৎলম্মী। অদুগা ৱারী পুম্বা মাগী নুপা দা লীরম্মী। মখোইনা নীংথৌগী মনাক্তা চৎলম্মী।
"ইনীংথৌ ইপুঙো! ঐখোইবু অঙাং অদু অমুক্তং উবা ফংহন্বীয়ু অরোইবা ওইনা ।", মখোইনা হাইজরম্মী।
নীংথৌ অদু মীনুংসী পোক্তুনা মখোইদা য়াবীরম্মী। মখোই মোংফম দা চৎপা য়াবীরম্মী।
অঙাং অদু গী হক্চাংদু মোংফম দা থম্খী। মখোই ২ য়াম কপ্লম্মী।
অঙাং অদু গী হক্চাংদু ফজনা লৈপাক্তা ফুম্জীনখ্রবা মতুংদা মতৈ মনাও না নুং অমমম মোংফম অদুদা থাথরম্মী । অদুগা ময়ুম্দা তুং হননা য়েংলম্দনা লাক্খী।
মখোই না কনানো অমা না তুংদা ইননরক্পগী মখোল তারম্মী। তাবদা তুং ইননরক্লীবা মী অদু উসা অমা চীংদুনা পুরক্পগী মওং মাল্লী।
" সোরো সোরো " লাওবা মখোল অমা থোক্লক্পদুনা নুপী অদু হেননা পাখৎহল্লী।
মখোইনা ময়ুম্গী থোংগাল হেক য়ৌবগা, নুপী অদু লোইনা কাওখীদুনা তুং দা য়েংলুই । ফাইল:Pumpkin (PSF).png খুদক্তুদা, মাইরেন পাম্বী অমা মখোই গী চাক্সংগী পাম্বী থাফম মনাক্তা হৌরম্মী।
.png){kind=link}
অঙাং অদু ফমুংদা লৈরম্দে। চহী খুদীংগী মাইরেন পাম্বী অদুনা চাক্সংগী পাম্বী থাফম অদুদা মাইরেন ময়াম পাল্হল্লম্মী।
অদুবু মতৈ মনাও অদুনা মাইরেন্সীংদু কৈদৌনুংদা চারম্দে।মরম্দী মখোই না মাইরেন দু মচাদুনী খল্লম্মী।
মখোই না মখোই গী সাংলবা পুন্সীদু কপ কপ্তুনা লেল্লম্মী।
লৌরক্ফম্[edit | edit source]
- "অঙাং দগী মাইরেন ওন্বা" ৱারী অসী "ফুংগাৱারী,৩সুবা সরুক" হাইবা লাইরীক্তগীনী । ('Angangdagi Mairen Onba' story in the collected work Funga Wari, Vol. 3)
- অইবা: এন. বেম্নী সীংহা (N. Bemni Singha)
- লাই য়েক্পা: এন. নোংদোন সনা (N. Nongdon Sana)
- ফোংবা: নহারোল খোরজৈ থৌগল্লুপ জরীবোন (Naharol Khorjei Thaugallup Jaribon)
- ফোংখীবা চহী: ১৯৯৯
মতেং লৌরক্ফম্[edit | edit source]
| অঙাংদগী মাইরেন ওন্ব | |
|---|---|
| ফাইল:Pumpkin.svg | |
| অঙাংদগী মাইরেন ওন্ব | |
| ফুংগা ৱারী | |
| মমীং | অঙাংদগী মাইরেন ওন্ব |
