উখ্রুল পনা
ওখ্রুল পনা অসী মনীপুরগী চীংগী পনা অমনী । মফম্সী গী হেদক্বাতরা (লৈঙাক্ফম মকোক) তী ওখ্রুল্ নী। মফম্সী মপুং ওইনা চীংমী কাংলুপ কয়ানা খুন্দাই।
.svg){kind=link}
লোন অমদী মী কাংলুপ্ edit
তেম্প্লেৎ:See তাংখুল্ হাইবা মীং অসী মখোইনা য়ুম্থংননা লৈমীননরীবা মীতৈ কাংলুপ্না থোনখীবনী। অৱাং থংবদা লৈবা তাংখুল্সীংবু লুইপা হাইনসু কৌনরম্মী। নাগা হাইবা মীং অসীদী বরমীজা (ম্যানমারা)সীংনা মখোই অমসুং মাননবা কাংলুপ্সীংদা পীখীবা মীংনী । ম্যানমারা দা নাগা হাইবদী নাহুৎপা হাইবনী । না লাওনা হুৎপা অসী তাংখুল্সীং য়াওনা নাগাসীংগী মরক্তা পাক-সননা চৎনরম্মী। তাংখুল্সীং অসী মালেম্গী মফম খুদীংদা সন্দোরক্খ্রীবা অচৌবা মোংগোলোইদসীংগী চাদা নৌদানী। লোনগী লম্দা য়েংবদা মখোই অসী সীনো-তীবেতন লোন কাংলুপ তা মনুং চল্লী। মদুগী অমুক মনুংদা তীবেতো-বরমন লোন কাংলুপ তা চল্লী।
পুৱারী অমদী চৎনা লোনচৎ edit
খ্বাইদগী লীরবা তাংখুল্সীংগী য়ুম্সী খাকী লৈপাক্ তনী। মাইকৈ কয়াদা অতোপ্পা মফম কয়াদা সৈদাংদুনা হৌরক্খী। কাংলুপ অমনা নোংপোক অমসুং কাংলুপ অমনা খা নোংপোক লোম্দা চৎখীদুনা তাংখুল্সীং অমদী অতৈ অপীক্পা নাগা কাংলুপ সীং ওইখী।
তাংখুল্সীং না অতোপ্পা নাগা কাংলুপ সীংগা লোইননা মনীপুর, নাগালেন্, অসাম্ অমসুং অরুনাচল প্রদেসতা ফাওরগা চংলক্খী। মখোইনা তাংকক নাইনা ইন্দীয়া অমদী অৱা লৈপাক্ তা চংসীন্দুনা লৈখী । তাংখুল্সীং অমদী মাও, পাওমৈ, মরাম্ অমদী থাংগাল্সীংগা পুননা লাক্মীননরগা সেনাপতী পনাগী মখেল খুন্দা কাইনখী । কাইনখীবসী নীংসীংবা ওইনা মখেল খুন দা নীংসীং খুফম য়ুংদুনা লৈরী।
তাংখুল্সীং না ইরেনপুংদা ফংবা মোইবুং মখল কয়াদগী সাবা লৈতেং কয়া সীজীননৈ। কোংসাং, হুইলোননচীংবা অসী মোইবুং মখল কয়াদগী সাবা লৈতেং নী।
অরীবা মতম্গী তাংখুল্সীং গী পুৱারী দী কয়া লৈতে অদুবু ১৩সুবা চহীচাদা তম্পাক্কী মীওইসীংগা চৎনলোনচৎ অমদী ললোন ইতীক কী থবক্তা মরী লৈনরম্মী। মীতৈ নীংথৌ থৱান্থাব গী মতম্দা তাংখুল্সীং গী মতাংদা পল্লম্বা থেংনৈ।
লম্কোইফম্সীং edit
ইরেনপুংগী ইমাইদগী ফীৎ ৫৪৫৩ ৱাংবদা খুন্দারীবা মফম্নী। ওখ্রুল ময়োল্লম্ অসীদা য়াম্না হরাও তরাম্বা তাংখুল নাগা কয়ানা অতৈ মপাল্গী মীওই খরগা লৈমীননরী। ওখ্রুল পনা গী মফম মকোক (হেদক্বাতরা) অসী ইম্ফাল্দগী নেসনেল হাইৱে (লৈপাক্কী লম্বেল) ১৫০দা কীলোমীতরা ৮৪ লোম চৎলগা লৈ । মসী চাওরাক্না পুং ৩ লোম গী খোংচৎ ওইগনী। লম্বেল অসীনা ওখ্রুল, কোহীমা অমদী জেসামী ফাওরগা সম্নহল্লী।
২০১১ মীকোক থীবদা ওখ্রুল পনা অসী লাইরীক হৈবগী চাং অসী চাদা ৮১.৮৭ ওই। মফম অসীদা লোন মখল কয়ামরুম তোঙান তোঙান্বা খুন্সীংদা ঙাংনরী অদুবু হুনফুন (ওখ্রুল)গী লোন অসীনা ময়াম্গী ফাওনলোন ওইরী।
ওখ্রুল গী অইং অসা অসী য়াম্না নুঙাইবা চাংদা ৩° সেল্সীয়সা দগী ৩৩° সেল্সীয়সা ফাওবগী মনুংদা লৈ । চাংচৎতা নোংচুবগী চাংনা মীলীমীতরা:১,৭৬৩.৭ (১৯৯১) নী। ওখ্রুল কালেন গী মতম দা নোং তাই অদুগা নীংথম্গী মতম দা কংই অমদী ইংঙী। ওখ্রুল অসী এপ্রীল থাদগী অগসৎ থা ফাও বদী নোং তাই অদুগা ওক্তোবরা থাদগী মারচা থা ফাও বদী কোইরক্পদা খ্বাইদগী নুঙাইবা মতম নী।
ওখ্রুল অসী চহীচুপ্পা লৈবা কুম্মৈসীংগী দমক মমীং চৎলী । মসীনা লম্কোইবসীংগী পুক্নীং চীংসীল্লী। মরু ওইবা কুম্মৈসীংদী লুইরা (মরু মরাং হুন্বগী কুম্মৈ), মংখাপ (পোথা কুম্মৈ), থারীও (লৌলোক কুম্মৈ) অসীনচীংবসীনী। কুম্মৈসীং অসীদা তাংখুল্সীংগী মেংলবা নীংথীরবা চৎনবীগী ইসৈ অমদী জগোই গী মওংসীংনা অওবসীংবু সুম্হৎলী।
ওখ্রুল গী সীরুই লৈরাং (লীলীয়ম মেক্লীন্যেই) গীদমক মমীং চৎলী, লৈ অসী ওখ্রুল ময়োল্লম দগী নোংপোক্লোম্দা চৎলগা লৈবা সীরুই কাসোং চীংথক্তা মহৌসাগী ওইনা হৌই। অদুগা খাংখুই সুরুংগী দমক্সু ওখ্রুল মমীং চৎলী । মসক নাইরবা লম্পাক সীং, চীংদোল্সীং অমদী ইসীং চাইবীসীং অনক্পা অমদী অকোইবদা লৈরী। দনকান লম্পাক অমদী এল সাদাই লম্পাক অসী লম্কোইবসীংগী চাক্চা হৈচাফম ওইনা মফম চারবা মফম নী। খয়াং ইসীং চাইবী অমদী অঙোচীংগী অসুক্পা ওমং অসী লম্কোইবসীংগী অমদী থৱাই য়াওবসীংনা হেননা থীজীন্বা য়াবা মফম কয়া লৈরী। লুংহারা সীহাই ফাংরৈ হানৌগী লম্পাক ওইরীবা চীংতুম অমদী কচৌফুং পাৎ অসী ঙৈহাক পোথাফম গী নুঙাইরবা মফম নী। ইসীং চাইবী কয়া, সুরুং কয়া, চীংদোল্সীং না ওখ্রুল গী মনুংদা লৈরী। মসীনা ওখ্রুল বু অসংবা ময়োল্লম ওইহল্লী। সীংচা কাচুই, মোভা সুরুং, মোরাং থুম্খোং, কাচাই চম্প্রা, সীরারখোং মোরোক, সংসক লান নীংসীং খুফম অসীনচীংবসী পন্বা য়াই।
সীরুই কাসোং চীংথক্তা মে অমদী জুন থা গী মতম দা সীরুই লৈরাংনা মরাংকাইনা সাৎলী। খাংখুই সুরুং অমদী মোভা সুরুং ২ অসী আরকেয়োলোজী (অরীবা পোৎলম নৈনলোন্) থৱাই য়াওবসীংনা থীজীন্বা য়াবা মফম নী।