ꯃꯌꯥꯢꯋꯥꯢꯔꯞ ꯑꯣꯢꯕ ꯃꯇꯝꯒꯤ ꯀꯪꯂꯩꯄꯥꯛ ꯁꯦꯝꯒꯠꯂꯤ

{{See also|ꯑꯔꯤꯕ ꯀꯪꯂꯩꯄꯥꯛ|ꯑꯅꯧꯕ ꯃꯇꯝꯒꯤ ꯀꯪꯂꯩꯄꯥꯛ}}
{{Distinguish|ꯃꯅꯤꯄꯨꯔ (ꯃꯍꯥꯚꯥꯔꯠ)}}
[[File:ꯀꯪꯂꯩꯄꯥꯛꯀꯤ ꯃꯤꯇꯩ ꯅꯤꯡꯊꯧꯗ ꯄꯣꯡ ꯅꯤꯡꯊꯧꯅ ꯄꯤꯔꯛꯈꯤꯕ ꯈꯨꯗꯣꯜ.jpg|thumb|center|upright=2.5|[[ꯀꯪꯂꯩꯄꯥꯛ]]ꯀꯤ ꯃꯤꯇꯩ ꯅꯤꯡꯊꯧꯗ ꯄꯣꯡ ꯅꯤꯡꯊꯧꯅ ꯄꯤꯔꯛꯈꯤꯕ ꯈꯨꯗꯣꯜ]]
'''ꯃꯌꯥꯢꯋꯥꯢꯔꯞ ꯊꯪꯕ ꯃꯇꯝ ꯒꯤ ꯀꯪꯂꯩꯄꯥꯛ''' ꯑꯁꯤ [[ꯃꯥꯂꯦꯝ]] ꯄꯨꯝꯕꯒꯤ ꯃꯑꯣꯡꯗ ꯑꯣꯢꯅ ꯌꯦꯡꯂꯕꯗꯤ ꯱꯰-꯱꯱ ꯁꯨꯕ ꯆꯍꯤꯆꯥ ꯑꯁꯤꯗꯒꯤ ꯍꯧꯅꯩ ꯫ ꯄꯨꯋꯥꯔꯤ ꯅꯩꯅꯕ ꯀꯥꯡꯂꯨꯞ ꯈꯔꯅ [[ꯀꯪꯂꯩꯄꯥꯛ]] [[ꯃꯅꯤꯄꯨꯔ]]ꯒꯤꯁꯨ ꯑꯁꯨꯝꯅ ꯍꯧꯍꯟꯁꯤ ꯍꯥꯢꯕ ꯌꯥꯎꯏ ꯫ ꯑꯗꯨꯕꯨ ꯄꯨꯋꯥꯔꯤ ꯅꯩꯅꯕ ꯀꯥꯡꯂꯨꯞ ꯈꯔꯅ ꯃꯌꯥꯢꯋꯥꯢꯔꯞ ꯊꯪꯕ ꯃꯇꯝ ꯑꯁꯤ ꯃꯩꯇꯤꯡꯉꯨ [[ꯄꯥꯝꯍꯩꯕ]]ꯒꯤ ꯃꯇꯝꯗꯒꯤ ꯍꯧꯍꯟꯁꯤ ꯍꯥꯢꯅꯕꯁꯨ ꯌꯥꯎꯏ ꯫
[[File:Vishnu_temple,_Bishnupur_01.jpg|thumb]]

== ꯚꯤꯁ꯭ꯅꯨ ꯂꯥꯢꯁꯪ ꯁꯥꯕ ꯍꯧꯔꯛꯄ ==
꯲ꯃꯛꯀꯤ ꯌꯥꯟꯅꯅꯕ [[ꯀꯪꯂꯩꯄꯥꯛ]]ꯇ [[ꯍꯤꯟꯗꯨ ꯂꯥꯢꯅꯤꯡ]]ꯒꯤ ꯁꯥꯐꯨ ꯄꯤꯕ ꯍꯧꯔꯛꯄ ꯃꯇꯝꯗꯒꯤ ꯍꯧꯍꯟꯁꯤ ꯍꯥꯢꯅ ꯂꯦꯞꯅꯕꯁꯨ ꯌꯥꯎꯏ ꯫ ꯑꯁꯨꯝꯅ ꯌꯦꯡꯂꯕꯗꯤ ꯀꯪꯂꯩꯄꯥꯛꯇ ꯅꯤꯡꯊꯧ [[ꯁꯦꯟꯕꯤ ꯀꯤꯌꯥꯝꯕ]]ꯅ ꯄꯥꯟꯕ ꯃꯇꯝ ꯑꯁꯤꯗ [[ꯂꯃꯥꯡꯗꯣꯡ]] ꯗ ꯃꯩꯇꯩ ꯒꯤ ꯀꯣꯅꯨꯡ ꯑꯣꯢꯔꯝꯕ ꯃꯇꯝ ꯑꯁꯤꯗ [[ꯚꯤꯁ꯭ꯅꯨ]]ꯒꯤ [[ꯂꯥꯢꯁꯪ]] ꯑꯃ ꯁꯥꯈꯤ ꯫ ꯑꯗꯨꯅ ꯃꯍꯥꯛꯅ ꯄꯥꯟꯕ ꯃꯇꯝ ꯑꯁꯤ ꯗꯒꯤ ꯀꯪꯂꯩꯄꯥꯛ ꯃꯅꯤꯄꯨꯔꯒꯤ ꯃꯌꯥꯢꯋꯥꯢꯔꯞ ꯊꯪꯕ ꯃꯇꯝ ꯑꯁꯤ ꯍꯧꯔꯦ ꯍꯥꯢꯅ ꯂꯦꯞꯅꯕ ꯌꯥꯔꯦ ꯫
[[File:Vishnu_temple,_Bishnupur_02.jpg|thumb]]
ꯃꯩꯇꯤꯡꯉꯨ [[ꯁꯦꯟꯕꯤ ꯀꯤꯌꯥꯝꯕ]]ꯅ ꯄꯥꯟꯕ ꯃꯇꯝꯗꯒꯤ ꯑꯁꯨꯝ ꯅꯤꯡꯊꯣꯂꯣꯜ ꯃꯊꯪ ꯃꯊꯪ ꯄꯥꯜꯂꯛꯄꯅ ꯅꯤꯡꯊꯧ [[ꯈꯥꯒꯦꯝꯕ]]ꯒꯤ ꯃꯇꯝꯗ ꯀꯪꯂꯩꯄꯥꯛ ꯇ ꯑꯆꯧꯕ ꯑꯍꯣꯡꯕ ꯂꯥꯛꯈꯤ ꯫

== ꯈꯥꯒꯦꯝꯕ ꯒꯤ ꯃꯇꯝꯗ ꯆꯥꯎꯅ ꯍꯣꯡꯂꯛꯄ ==
ꯅꯤꯡꯊꯧ [[ꯈꯥꯒꯦꯝꯕ]]ꯒꯤ ꯃꯇꯝꯗ ꯀꯪꯂꯩꯄꯥꯛ ꯇ ꯱) [[ꯈꯥꯀꯤ ꯂꯩꯄꯥꯛ]] ꯇꯒꯤ ꯂꯥꯟꯃꯤ ꯂꯥꯛꯇꯨꯅ ꯂꯥꯜ ꯇꯧꯔꯛꯈꯤ꯫ ꯲) ꯆꯤꯡꯃꯤ ꯀꯥꯡꯂꯨꯞ ꯀꯌꯥ ꯏꯔꯥꯡ ꯍꯧꯔꯛꯈꯤ ꯫ ꯳) [[ꯃꯤꯇꯩ ꯄꯥꯡꯒꯜ]] ꯈꯨꯟꯊꯣꯛꯂꯛꯈꯤ ꯫ ꯴) [[ꯑꯋꯥ ꯂꯩꯄꯥꯛ]] ꯇꯒꯤ ꯂꯥꯟ ꯇꯧꯔꯛꯈꯤ ꯫ ꯵) [[ꯂꯥꯢꯅꯤꯡꯊꯧ ꯁꯅꯥꯃꯍꯤ]]ꯒꯤ ꯃꯤꯇꯝ ꯁꯥꯈꯤ ꯫
== ꯈꯨꯃꯟ ꯂꯩꯄꯥꯛ ꯃꯩꯇꯩ ꯗ ꯇꯤꯟꯕ ==
ꯏꯝꯐꯥꯜ ꯀꯪꯂꯥꯗ ꯃꯩꯇꯩ ꯅꯤꯡꯊꯧ [[ꯄꯥꯢꯈꯣꯝꯕ]] ꯅ ꯄꯥꯟꯕ ꯃꯇꯝꯗ [[ꯈꯨꯃꯟ ꯂꯩꯄꯥꯛ]] ꯃꯩꯇꯩꯒꯤ ꯃꯈꯥ ꯗ ꯃꯄꯨꯡ ꯐꯥꯅ ꯄꯣꯟꯈꯤ ꯫

== ꯅꯤꯡꯊꯧ ꯅ ꯍꯤꯟꯗꯨ ꯂꯥꯢꯅꯤꯡ ꯂꯧꯁꯤꯟꯕ ==
ꯃꯩꯇꯩ ꯅꯤꯡꯊꯧ [[ꯆꯔꯥꯢꯔꯣꯡꯕ]] ꯃꯁꯥꯃꯛ [[ꯍꯤꯟꯗꯨ ꯂꯥꯢꯅꯤꯡ]] ꯂꯧꯁꯤꯟꯗꯨꯅ ꯍꯤꯟꯗꯨ ꯑꯣꯟꯈꯤ ꯫ ꯑꯗꯨꯕꯨ ꯃꯍꯥꯛꯅ ꯃꯍꯥꯛꯀꯤ ꯃꯤꯆꯝ ꯃꯤꯌꯥꯝꯗ ꯃꯥꯅ ꯄꯥꯝꯖꯕ ꯂꯥꯢꯅꯤꯡ ꯑꯁꯤ ꯆꯠꯅꯕ ꯏꯟꯁꯤꯟꯈꯤꯕꯗꯤ ꯂꯩꯈꯤꯗꯦ ꯫

== ꯅꯤꯡꯊꯧ ꯄꯥꯝꯍꯩꯕꯒꯤ ꯃꯇꯝ ==
ꯅꯤꯡꯊꯧ [[ꯄꯥꯝꯍꯩꯕ]]ꯅ ꯄꯥꯟꯕ ꯃꯇꯝꯗ ꯀꯪꯂꯩꯄꯥꯛ ꯀꯤ ꯃꯤꯇꯩ ꯀꯥꯡꯂꯨꯞꯀꯤ ꯂꯣꯟ, ꯂꯥꯢꯅꯤꯡ, ꯆꯠꯅꯕꯤ ꯑꯁꯤꯅꯆꯤꯡꯕ ꯃꯥꯢꯑꯣꯟ ꯄꯨꯃꯅꯃꯛꯇ ꯑꯍꯣꯡꯕ ꯂꯥꯛꯈꯤ꯫ ꯃꯍꯥꯛꯅ ꯀꯪꯂꯩꯄꯥꯛ ꯇ :- ꯱) [[ꯄꯨꯌꯥ ꯃꯩ ꯊꯥꯕ|ꯃꯤꯇꯩ ꯄꯨꯌꯥ ꯃꯩ ꯊꯥꯈꯤ]]꯫ ꯲) [[ꯃꯤꯇꯩ ꯃꯌꯦꯛ]] ꯃꯨꯊꯠꯇꯨꯅ [[ꯕꯥꯡꯂꯥ-ꯑꯁꯃꯤꯌꯥ ꯃꯌꯦꯛ|ꯕꯦꯡꯒꯂꯤ ꯃꯌꯦꯛ]] ([[ꯕꯥꯡꯂꯥ-ꯑꯁꯃꯤꯌꯥ ꯃꯌꯦꯛ]]) ꯆꯠꯅꯍꯟꯈꯤ꯫ ꯳) [[ꯃꯤꯇꯩ ꯂꯥꯢꯅꯤꯡ]] ([[ꯁꯅꯥꯃꯍꯤ ꯂꯥꯏꯅꯤꯡ]]) ꯃꯨꯊꯠꯇꯨꯅ [[ꯍꯤꯟꯗꯨ ꯂꯥꯢꯅꯤꯡ]] (ꯃꯤꯌꯥꯟꯆꯥ ꯂꯥꯢꯅꯤꯡ) ꯆꯠꯅꯍꯟꯈꯤ꯫ ꯴) [[ꯃꯤꯇꯩ ꯂꯣꯟ]] ꯗ [[ꯕꯦꯡꯒꯂꯤ ꯂꯣꯟ]] ꯒꯤ ꯋꯥꯍꯩ ꯇꯈꯠꯇꯅ ꯌꯥꯟꯁꯤꯟꯈꯤ꯫ ꯵) ꯃꯤꯇꯩ ꯒꯤ ꯍꯔꯥꯎ ꯀꯨꯝꯃꯩ ꯀꯌꯥ ꯄꯥꯡꯊꯣꯛꯄ ꯊꯤꯡꯖꯤꯟꯗꯨꯅ ꯍꯤꯟꯗꯨ ꯒꯤ ꯍꯔꯥꯎ ꯀꯨꯝꯃꯩ ꯅ ꯃꯍꯨꯠ ꯁꯤꯜꯍꯟꯈꯤ꯫

ꯃꯁꯤꯗ [[ꯃꯥꯢꯆꯧ ꯷]] ꯀꯤ ꯂꯨꯆꯤꯡ ꯃꯈꯥꯗ ꯅꯤꯡꯊꯧ ꯅ ꯇꯧꯔꯤꯕ ꯊꯕꯛꯁꯤꯗ ꯌꯥꯅꯤꯡꯗꯕ ꯐꯣꯡꯗꯣꯛꯂꯛꯄ ꯃꯤ ꯀꯌꯥꯁꯨ ꯂꯩꯈꯤꯗꯕ ꯅꯠꯇꯦ꯫ ꯑꯗꯨꯕꯨ ꯅꯤꯡꯊꯧ [[ꯄꯥꯝꯍꯩꯕ]] ꯅ ꯏꯔꯥꯡ ꯍꯧꯔꯛꯈꯤꯕ ꯃꯤꯑꯣꯢꯁꯤꯡꯗꯨ ꯈꯔꯅ ꯍꯥꯠꯈꯤ ꯑꯗꯨꯒ ꯈꯔꯅ ꯂꯣꯢ ꯊꯥꯈꯤ ꯫ ꯍꯤꯟꯗꯨ ꯂꯥꯢꯅꯤꯡ ꯆꯠꯂꯕ (ꯆꯥꯎꯈꯠꯂꯕꯅꯤ ꯈꯟꯖꯔꯕ) ꯃꯩꯇꯩ ꯈꯨꯟꯅꯥꯢ ꯗꯒꯤ ꯂꯣꯢꯆꯤꯡ ꯂꯣꯌꯥ ꯂꯝꯗ ꯂꯣꯢ ꯊꯥꯈ꯭ꯔꯕ ꯃꯤꯇꯩ ꯕꯨ ꯊꯥꯛ ꯍꯟꯊꯔꯕꯅꯤ ꯑꯗꯨꯅ ꯃꯥꯡꯂꯕꯅꯤ ꯍꯥꯢꯅ ꯏꯟꯊꯣꯛꯈꯤ꯫
== ꯆꯤꯡꯊꯪ ꯈꯣꯝꯕ ꯒꯤ ꯃꯇꯝ==
[[File:Ching-Thang_Khomba_2000_stamp_of_India.jpg|thumb]]
=== ꯑꯋꯥ ꯂꯩꯄꯥꯛ ꯅ ꯀꯪꯂꯩꯄꯥꯛ ꯱ꯟꯕꯒꯤ ꯂꯧꯁꯤꯟꯕ ===
[[ꯀꯪꯂꯩꯄꯥꯛ]] ꯀꯤ ꯄꯨꯋꯥꯔꯤ ꯗ [[ꯑꯋꯥ ꯂꯩꯄꯥꯛ]] ꯅ ꯂꯝꯗꯝ ꯑꯁꯤꯕꯨ ꯲ꯔꯛ ꯂꯧꯁꯤꯜꯂꯤ꯫ ꯑꯍꯥꯟꯕꯒꯤ ꯂꯧꯁꯤꯟꯕ ꯑꯁꯤ ꯃꯩꯇꯤꯡꯉꯨ [[ꯆꯤꯡꯊꯪ ꯈꯣꯝꯕ]] ꯒꯤ ꯃꯇꯝꯗ ꯊꯣꯛꯈꯤ꯫ ꯃꯁꯤꯗ [[ꯆꯤꯡꯊꯪ ꯈꯣꯝꯕ]] ꯅ [[ꯀꯁꯥꯔ ꯂꯩꯄꯥꯛ]] ꯇ ꯂꯥꯟꯆꯦꯟꯗꯨꯅ [[ꯀꯁꯥꯔ ꯂꯩꯄꯥꯛ]] ꯑꯃꯗꯤ [[ꯑꯍꯣꯝ ꯂꯩꯄꯥꯛ]] ([[ꯇꯦꯈꯥꯎ ꯂꯩꯄꯥꯛ]]) ꯀꯤ ꯃꯇꯦꯡ ꯂꯧꯗꯨꯅ ꯀꯪꯂꯩꯄꯥꯛ ꯄꯨ ꯑꯃꯨꯛ ꯍꯟꯅ ꯃꯅꯤꯡ ꯃꯈꯥ ꯇꯝꯍꯟꯈꯤ꯫ ꯃꯁꯤꯗ ꯇꯦꯈꯥꯎ ꯁꯤꯡꯒꯤ ꯃꯇꯦꯡ ꯐꯪꯅꯅꯕ ꯇꯦꯈꯥꯎ ꯅꯤꯡꯊꯧ [[ꯁꯨꯔꯦꯝꯐꯥ]]ꯗ ꯃꯩꯇꯩ ꯒꯤ ꯃꯆꯥꯏꯕꯦꯝꯃ [[ꯀꯨꯔꯪꯒꯅꯌꯅꯤ]] ([[ꯁꯤꯖ ꯐꯣꯡꯗꯥꯂꯣꯛꯄꯤ]]) ꯕꯨ ꯊꯥꯖꯗꯨꯅ ꯂꯥꯟꯃꯤ ꯒꯤ ꯃꯇꯦꯡ ꯂꯧꯈꯤ꯫
=== ꯚꯩꯁ꯭ꯅꯕ ꯂꯥꯢꯅꯤꯡ ꯆꯥꯎꯈꯠꯂꯛꯄ ===
ꯀꯪꯂꯩꯄꯥꯛꯇ ꯑꯃꯨꯛ ꯍꯜꯂꯛꯂꯕ ꯃꯇꯨꯡꯗ [[ꯀꯥꯢꯅ ꯆꯤꯡ]]ꯗꯒꯤ [[ꯊꯩꯕꯣꯡ]] ꯎ ꯌꯥꯜꯂꯒ [[ꯒꯣꯕꯤꯟꯗ]]ꯒꯤ ꯃꯤꯇꯝ ꯁꯥꯗꯨꯅ ꯂꯥꯠꯈꯤ ꯫ ꯃꯍꯥꯛꯅ ꯅꯨꯃꯤꯠ ꯵ ꯊꯪꯅ ꯊꯪꯅꯅ ꯔꯥꯁ ꯃꯟꯗꯜ ꯏꯀꯣꯟꯗ [[ꯖꯒꯣꯢ ꯔꯥꯁ]] ꯀꯨꯝꯃꯩ ꯁꯥꯅꯍꯟꯈꯤ ꯫ ꯃꯍꯥꯛꯅ ꯀꯪꯂꯩꯄꯥꯛꯇ [[ꯍꯤꯟꯗꯨ ꯂꯥꯢꯅꯤꯡ]]ꯒꯤ ꯃꯅꯨꯡꯗ [[ꯚꯩꯁ꯭ꯅꯚ ꯂꯥꯢꯅꯤꯡ]]ꯗ ꯑꯈꯟꯅꯅ ꯃꯥꯢ ꯑꯣꯟꯁꯤꯟꯗꯨꯅ ꯆꯥꯎꯈꯠꯅꯕ ꯍꯣꯠꯅꯈꯤ ꯫ ꯃꯍꯥꯛꯅ [[ꯌꯥꯎꯁꯪ]] ꯀꯨꯝꯃꯩ ꯑꯁꯤ [[ꯍꯤꯟꯗꯨ]]ꯒꯤ [[ꯍꯣꯂꯤ]]ꯒꯤ ꯃꯑꯣꯡꯗ ꯑꯣꯟꯊꯣꯛꯈꯤ ꯫ ꯃꯍꯥꯛꯅ [[ꯁꯒꯣꯜꯕꯟꯗ]]ꯒꯤ [[ꯕꯤꯖꯣꯢ ꯒꯣꯕꯤꯟꯗ ꯂꯥꯢꯁꯪ|ꯕꯤꯖꯣꯢ ꯒꯣꯕꯤꯟꯗ]]ꯒꯤ [[ꯊꯥꯡꯒꯄꯥꯠ]]ꯇ [[ꯍꯩꯀ꯭ꯔꯨ ꯍꯤꯗꯣꯡꯕ]] ꯀꯨꯝꯃꯩ ꯄꯥꯡꯊꯣꯛꯄ ꯍꯧꯍꯟꯈꯤ ꯫
==ꯃꯇꯦꯡ ꯂꯧꯔꯛꯐꯝ==
{{Reflist}}