বীল গেৎসা
ৱীল্লীঅম হেনরী গেৎস ( ১৯৫৫ ওক্তোবরা ২৮, পোক্খী) অমেরীকাগী সেনজাও পাইবা লল্লল‑মী অমনী । মহাক সোফ্তৱেয়রা সেম্গৎপা (দীভেলপরা), সেল থাদবা মী(ইনভেসতরা), অইবা অমসুং য়াইফা তেংবাংলোই (ফীলান্ত্রোপীস্তা) অমসুনী । মহাক্না মহাক্কী অঙাং ওইরীঙৈগী মরুপ পোল এলল্েনগা পুন্দুনা মাইক্রোসোফ্তা কোরপোরেসন লীংখৎমীননরক্খী । মাইক্রোসোফ্ততা গেৎসনা চেয়রমেন, চীফা ইগজেকয়্ুতীভা ওফীসরা (সীইও), পর্সীদেনৎ অমদী চীফা সোফ্তৱেয়রা আরকীতেক্ৎ য়াওনা তোঙান তোঙান্বা ফম্সীং পুরক্ই । মে ২০১৪ ফাওবদী মহাক্না খ্বাইদগী চাওবা সেয়রহোল্দরসু ওইখী । ইং ১৯৭০ অমদী ১৯৮০ গী মনুংদা লাক্খীবা মাইক্রোকম্পয়্ুতরগী য়াওল অসীদা মীয়াম্না খ্বাইদগী সক্খংনখীবা ওন্তপ্রেনয়্ুরসীংগী মনুংদা বীল গেৎসসুনী ।
_02.jpg){kind=link}
গেৎসা ৱাসীংতন্গী সীয়াতল্দা পোক্লক্খী মফম্সীদা অদুমক চাওরক্খী । ইং ১৯৭৫ দা মাগা এল্লেনগনা অনৌবা মেক্সীকোগী অল্বকরকীদা মাইক্রোসোফ্তা লীংখৎখী । মসী মালেম্গী খ্বাইদগী চাওবা পরসনেল কম্পয়্ুতরা সোফ্তৱেয়রা কম্পেনী ওইরক্খী । ইং ২০০০ দা সীইও ওইবা তোক্খীবা অদুগী মমাং ফাওবদী গেৎসনা কম্পেনী অসীগী চেয়রমেন অমদী সীইও ওইনা মমাই চুম্লক্খী । সীইও ওইদরবসু মহাক্না বোর্দা ওফা দীরেক্তরসীংগী চেয়রমেন ওইনা লৈবদা নৎতনা চীফা সোফ্তৱেয়রা আরকীতেক্সু ওইখী । ইং ১৯৯০ গী পরীং চহী অসীগী অরোইবা চহী খরদা মহাক্কী চাং তাননবা ইয়াও য়াওদবা লল্লোল ইতীক্কী মওং মতৌ অদু মীয়াম্না হুন্দুনা ঙাংনরক্খী । মীয়াম্না ঙাংনরক্লীবা ৱাখল্লোল অদু ৱায়েল্সংগী রুলীং কয়ানসু চুম্মী হাইনা য়াথং তাবা কয়া য়াওখী । জুন ২০০৮ দগী গেসৎনা মাইকর্োসোফ্ততা ঙাইহাক ঙাইহাক্কী ওইনতমক (মতম খরা) মীৎয়েং চংলম্মী অদুগা মহাক্কী মপুং ওইবা মতম অমদী থবক্সীংদী মহাক অমদী মাগী লোইনবী মেলীন্দা গেৎসনা ইং ২০০৫ দা লীংখৎখীবা লননাই চেরীতেবল ফাওন্দেসন ওইরীবা বীল & মেলীন্দা গেৎসা ফাওন্দেসন্দা থম্লম্মী । ফেবর্ুৱারী ২০১৪ দা মাইক্রোসোফ্তকী বোর্দা ওফা দীরেদতরসতগী তোক্লে অদুনা নৌনা সীইও খল্লবা সতয়্ নাদেল্লাবু মতেং পাংনবা মহাক্না তেকন্োলোজী এদভাইজরা হাইবা অনৌবা ফম অসী পাইরে । মারচা ২০২০ দা গেৎসনা মাইক্রোসোফ্তা অমদী বরক্সাইরা হাথৱে‑দা বোরদ্কী ফম পুম্নমক থাদোক্লগা মহৌসাগী অকোইবগী ফীভম হোংলক্পা, মালেম্গী হক্সেল্গী ফীভম, চাওখৎ‑থৌরাং অমদী মহৈ‑মসীং য়াওনা লম কয়াদা মীয়াম্গী মতেং পাংননবা থৌরাংসীংদা মাই ওন্সীনখী ।
ইং ১৯৮৭ তগী হৌনা ফোরব্সা(Forbes) কী মালেম্গী খ্বাইদগী মরল মথুম লৈবা মীসীংগী পরীংদা বীল গেৎসা য়াওদুনা লাক্লী । ইং ১৯৯৫ দগী ২০১৭ ফাওবদা ইং ২০১০ দগী ২০১৩ ফাওবসী নৎতনা চহী খুদীংগী মালেম্গী খ্বাইদগী ইনাক খুন্বা মীসীংগী ফোরব্সনা সেম্বা পরীংদা মহাক মকোক থোংদুনা লাক্লী । ওক্তোবরা ২০১৭ দা মালেম্গী খৱ্াইদগী রমল লৈবা মীগী পরীং অসীদা মহাক্পু অমাজোনগী ফাওন্দরা অমদী সীইও জেফা বেজোসনা তুংওইনদুনা থনম্খী । মতম্সীদা বেজোসকী অপুন্বা মরল‑মথুম অসী য়ুএসা $ বীলীয়ন ৯০.৬ ওইখী অদুগা বীল গেসৎকীনা য়ুওসা $ বীলীয়ন ৮৯.৯ ওইখী । মে ২০২১ ফাওবদা গেৎসকী অপুন্বা মরল‑মথুম অসী য়ু্এসা $ বীলীয়ন ১৪৪ ওইদুনা মহাক অসী মালেম্গী মরীসুবা খৱ্াইদগী ইনাক খুন্বা মীসক ওইরী ।
মহাক্কী পুন্সী খোংচৎকী মখা চৎথরক্প ওইনা ইং ২০০৮ দা মাইক্রোসোফ্তকী থবক অয়াম্বা থাদোক্লগা গোৎস্না তোঙান‑তোঙান্বা লল্লোন ইতীক কয়াদা অমদী মীওইবা খুননাইদা মতেং পাংবগী থবক্সীংদা হেননা পুক্নীং চংখী । মহাক তোঙান‑তোঙান্বা কম্পেনী কয়াগী ফাওন্দরা অমদী চেয়রমেন ওইখী । কম্পেনীসীংদুগী মনুংদা বীইএন (BEN), কাসকেদা ইনভেসৎমেনৎ (Cascade Investment), বীজীসী৩ (bgC3) অমদী তেরাপৱারা (TerraPower) নচীংবা য়াউরী । মালেম্গী খ্বাইদগী চাওবা লননাই তেংবাংলুপ (পর্াইভেৎ চেরীতী) নী হাইনা লৌনরীবা বীল & মেলীন্দা গেৎসা ফাওন্দেসনগী খুৎথাংদা তোঙান তোঙান্বা তেংবাং লুপ (চেরীতেবল ওরগনাইজেসন) অমদী সাইন্তীফীক রীসরস্ পর্োগর্াম কয়াদা য়াম্লবা সেল্ফম কয়া মহাক্না পীথরী । ফাওন্দেসন অসীগী খুৎথাংদা, ২১সুবা চহীচাগী অঙন্বা মতম্দা মহাক্না তীকা থাদোক্পগী কেম্পেন অমা হৌদোক্খী । মসীনা অফর্ীকাদা কননা সন্দোরক্খীবা পোলোও ভাইরসা মুৎথৎপদা সীংথানীংঙাই ওইরবা থৌদাং অমা লৌখী । ইং ২০১০ দা বীল গেৎসনা ৱারেন বফফেৎ কনা পুননা দা গীভীং পল্েদঝই । (The Giving Pledge) লীংখৎখী ।
অঙন্বা মতম্গী পুন্সী[edit | edit source]
ফাইল:Paul Allen and Bill Gates at Lakeside School in 1970.jpg
