ইরোই মথুননা ক্বাক ফাবা

ইরোই মথুন না ক্বাক ফাব হাইবসী মীতৈ অহন লমন্সীং লীনরম্বা নোক্নীংবা ৱারী সীংগী মনুংদা অমনী। ৱারী অসী কৈ মচা অমনা পংলুবদগী লৌসীং ৱাৎপদগী মচীনচাক ওইবা অপীক্পা থৌৱাই পান্বা সা চাবা ঙম্খীদবগী ৱারীনী অমসুং য়াম হৈসীংবা কৱাক অমনা অপংবা মওংদা মথৱাই মাংবগী নোক্নীংবা ৱারীনী ।

মপুং ওইবা ৱারী

য়ামনা ময়াং কংবা হমেং অমা লৈরম্মী মানা ময়াং কংবগী চাং সী কুন্বদা মনীংনা থেংবা মফম্দু ফুৎখাই অমগা কুৎপা ওই। কৈ লম্চা অমা লাক্লম্মী কুনলীবা হমেং অদু ওবদা চানীংলদুনা ঙংদুনা ধপ কা তৌই। মদুদা হমেং অদুনা মসীগী কৈসী অঙাংনী অদুনা লৌসীং অমা তৌহৌদরবদী ঐ থৱাই মাংবা তারে খন্দুনা অসুম্না হাইরক্ই। ঐগী ইমাক নীপা নোংসা দুবু সৱাইদা লৈবা জাৎলা মানা নুংতীগী কৈ মচা ফাদুনা চাবা অদুনা কৈ মচা ওরদী মঙোন্দা পাও পীরক্ও হাইবদু মসীদা কৈ মচা অমা লৈরেসে পাও পীরুরগে হাইনা হাইরক্ই। ৱাফম অসী তাবদা কৈ মচাদুনা খনলী সীদী মতা অমনীনে হমেং সে নোংসা গী মবাই গা ওইবোইরে ঐ থৱাই মাংবা তারে হাইদুনা নাপী মরক্তা পাক্থরগা লোৎতুনগা চৎখরে। খরা অমুক লাক্লগা লৈখোম মরক্তা ইরোই অমনা ওন্দুনা সাননরম্বা অমুক কৈ মচা দুনা থেংনরক্ই মসী ওইনা চারগে ঙসীগীদী খনলী। অসুম তৌনা কৈ মচা দুনা মাবু চাগদবগী চংসীনলক্লীবা মওং অদু ওবদা ইরোই অদুনা অসীংবা ইরোই ওইরম্বদগী মখোং কাতু মনীং মমাং কাওদুনা লৈখোম ফুরু কাম্দুনা ধপ তৌরগা হাইরক্ই নুংতীগী কৈ অহুম অহুম চাবসে ঙসীগী কৈ অমা চাবা মতম ওইরে মসীগী কৈসী হেক্তা চারগে হাইনা। মসী তাবদা কৈ অদু পাখৎমন্দুনা হোৎতুনা চেনলক্ই অসুম্না মচীন না সোনলম্মী ঙসীগী নুমীৎসীবু করীনোনে ঐসে দাও য়াদবা হাইদু ওইরা মানলে অমনা নোংসা গী মবাই অমন নুংতীগী কৈ অহুম অহুম (৩) চাবা । ঐ থৱাই মাংলম্নীদা হাইনা সোন্দুনা লাক্পদা কৈ অদুনা কৱাক অমনা মচীনজাক চারম্বদু থেংনরম্মী অদুগা ৱারী পুম্বা লীরম্মী । মদু তাবা কৱাক অদুনা করেম্নবা মওংদা নোক্লম্মী অদুগা হাইরক্ই অপংবা নং পংমন্বগী সজীক হনৌ চাবা সীনা নংবু ওসীৎপীদবনী ইরোই না কৈ অহুম চাবা হা হা হাইনা করেম্নদুনা নোক্ই। মদুদা কৈদুনা হোই ফরে ঐবুদী অপংবা ওইজরগে নং নথৱাই মাংজনী অসৱাইদা চংলুনু না হাইবুবনী হাইদুনা য়াম্না হক্চীননা হাইবদুদা কৱাক অদুনা ফরে অদুদুী নং মসীদা লৈরমমো কৈ চাবা ওইরদী মনাক্তা সরু সয়াং সোইদনা তারম্গনী ঐ য়েংলুগে হাইনা হাইরগা ইরোইদুগী মনাক তম্না পাইসীনখরে। ইরোই দুগী মনংগন্দা তোংদুনা চৎতুনা মমীৎ ফৈনা য়ুংনা লৈ লৈদুনা অকোইবদু য়েংলক্ই। কৱাক না মনংগন্দা চৎ সাননরক্পদুদা ইরোই অদুদী হাক্কচবা হোৎপীবগা মাননরে তনজা দুুদা মথী সৎ লাওনা ফাইদরক্ই ইরোইদুনা মথী ফাইদরক্পদুদা করী করী সরু গা য়াওবরা হাইদুনা ইরোই মথীগুন লাওথোক পদুদা কৱাক্না সৎ মকোক থীনজীন্দুনা য়েংঙী তনজাদুদা ইরোই অদুদী মথী ফাইবা লোইবগী লাওথোক্লম্বা মথীগুন অদু সুপ্চনলক্ই কৱাক অদু মকোক চপ্খীবদুদা মসা ফরা ফরা ঙহাক খপ্লম্লগা সীখরে। মদু লাপ্না ওরীবা কৈ অদুনা ইসা কৱাক ফৌ মথুন না ফারা চাবা ইরোইসীনা কৈ বুদী মকোক্না কমাই চারোইদোইনো হাইরম্লগা হোৎতুনা য়াংনা চেনখী।