Jump to content

সাইখোম মীরাবাই চনু

From ꯚꯥꯔꯠꯄꯤꯗꯤꯌꯥ

তেম্প্লেৎ:Infobox sportsperson সাইখোম মীরাবাই চনু (সাইখোম মীরাবাই চনু) (১৯৯৪ অগসা ৮দা পোক্খী) অসী ইন্দীয়াগী অরুম্বা থাংগৎপী সাননরোই অমনী । মহাক্না ইন্দীয়াগী ১ন্বা মেদল, সীল্ভরগী মেদল তোক্যো ওলীম্পীক্সা ২০২০তা অরুম্বা থাংগৎপগী লম্দা ফংদুনা ইন্দীয়াগী মাই অমদী মীংচৎ পুরক্খ্রে ।[১][২][৩] ২০১৪ দগী হৌনা মালেম্গী থাক্তা পাংথোক্পা সাননবগী থৌরম কয়া চাং নাইনা সরুক য়াদুনা লাক্তুনা মহাক্না মালেম্গী অরুম্বা থাংগৎপগী লম্দা মেদল কয়া ফংখী । মহাক্সী ইন্দীয়া লৈঙাক্না পদ্মা স্রী মনা পীদুনসু ইকাই খুম্নখ্রে । মহাক্সী ২০১৮দা ইন্দীয়া লৈঙাক্না রাজীভা গান্ধী খেল রৎন মনা পীদুনসু ইকাই খুম্নখ্রে ।

মহাক্না ২০০৪ গী সম্মরা ওলীম্পীক্সা তা নুপীগী অরুম্বা থাংগৎপগী লম্দা সীল্ভরা মেদল অমা ফংলক্খী । মসীদা মহাক্না মালেম্গী রেকোরদা থুগাইখী । ২০১৮তা মহাক্না কমনৱেল্থা মসাননদা সনাগী মেদল ফংলক্খী। মহাক্কী খ্বাইদগী চাওবা মাইপাক্পদী ২০১৭দা অমেরীকাদা পাংথোক্খীবা মালেম্গী অরুম্বা থাংগৎপগী লম্দা সনাগী মেদল অমা ফংলক্খীবসীনী ।

অঙন্বা পুন্সী[edit | edit source]

সাইখোম মীরাবাই চনু, মীতৈ নীংঙোল অসী মনীপুরগী নোংপোক ইম্ফাল পনা মনুংচননা লৈবা নোংপোক কক্চীং কৌবা লম্দম ইং কুম্জা ১৯৯৪ দা পোক্খী । মহাক্কী ইমুং মনুংনা য়াম্না ঙনলীঙৈ চৈহী ১২ সুরুক্পা মতম্দা সাইখোম মীরৈবাইগী মপাংগল খংবা ঙম্খী । মহাক্কী মবুংনা ঙম্দবা সরুক্ফাও মহাক্না সীং অরুম অরুম্বা কয়া ইরাই লাইনা থাংগৎতুনা পুবা ঙম্মী ।

পুন্সীগী ফীরেপ্[edit | edit source]

মীরাইবাই চনুগী অহান্বা খ্বাইদগী চাওবা অহোংবদী ২০১৪ গী কমনৱেল্থা মসাননদা সীল্ভরগী মেদল ফংলক্খীবসীনী ।[৪]

Error creating thumbnail: File missing
২০১৬দা খা এসীয়া গী মসাননদা মীরাইবাই চনু ।

মীরাইবাই চনু অসী ২০১৬ গী সম্মরা ওলীম্পীক্সতা অরুম্বা থাংগৎপগী লম্দা সানবা চংবা ঙম্খী । অদুবু মহাক মসাগী অনাবনা মরম ওইরগা মাই পাক্পদী ঙম্খীদে ।[৫] ২০১৭দা মহাক সনাগী মেদল অমেরীকাদা পাংথোক্খীবা মালেম্গী অরুম্বা থাংগৎপগী মসাননগী লম্দা ফংখী ।[৬]

২০২১ দা, মীরাইবাই চনু না ইন্দীয়া মচা সম্মরা ওলীম্পীক্সা মসাননদা মেদল ফংবা ঙম্বা অহান্বা অমদী মথন্তা ওইরী । অদুগা অরুম্বা থাংগৎপা গী লম্দা না ২সুবা মফম কনখী ।[৭][৮] চহী ২৭ৱুরবী মহাক্না কেজী ৮৬ লুম্বফাও থাংগৎতুনা মালেম্গী রেকোরদা চনখী অমদী ব্রোনজা মেদল ফংখী । মসীদগী মহাক তোক্যো ওলীম্পীক্সতা চংনবা খুদোংচাবা ফংখী।[৯]

২০১৮ কমনৱেল্থা মসাননদা মহাক্না কেজী ১৯৬, কেজী ৮৬, কেজী ১১০ য়াম লাইনা থাংগৎতুনা ইন্দীয়াগীদমক সনাগী মেদল ফংখী ।[১০] মসীদগী মহাক্না মসাননা অসীগী রেকোরদা চন্বা ঙম্খী । মসাননা অসীদা মহাক্কী তৌবা ঙম্বগী মতীক ময়াই খ্বাইদগী ওৎপী ওইখী ।[১১] মহাক্না ২০১৯গী এসীয়ান অরুম্বা থাংগৎপগী মসাননা গী চাংদম্নবদা ব্রোনজা মেদল ফংখী। মসীদা মহাক খজীক্তংদা ব্রোনজা মেদল ফংদুনা ৱাৎহৌবনী। ২০১৯গী মালেম্গী অরুম্বা থাংগৎপগী মসাননা গী চাংদম্নবদা মহাক্না কেজী ২০১ থাংগৎতুনা ৪সুবা মফম কনখী।[১২] মসীগী মহাক্কী মাই পাক্পা অসী ইন্দীয়া গী ওইনা কেজী ৪৯গী লম্দদী রেকোরদা অমা ওইখী। মহাক্না মহাক্কী রেকোরদা অসী থা ৪গী মতুংদা ২০২০ গী সেনীয়রা নেসনেল অরুম্বা থাংগৎপগী মসাননা গী চাংদম্নবদা সনাগী মেদল ফংদুনা অমুক্কা থুগাইখী।[১৩]

মীরাবাই চনু না ২০২০দা তোক্যো গী সম্মরা ওলীম্পীক্সতা ইন্দীয়াগী ১ন্বা মেদল ফংবা সাননরোই ওইখী। মসী মমাংদা করনম মলেস্বরী না ওলীম্পীক্সতা অরুম্বা থাংগৎপগী মসাননা গী চাংদম্নবদা মেদল ফংখীবদুগী ২সুবনী।[১৪] ইন্দীয়াগী সেলুংবা মকোক নরেন্দ্রা মোদীনা মীরাবাই চনু না মেদল ফংলক্পসীদা নুঙাইবা ফোংদোক্লদুনা অসুম্না হাই: "India is elated with happier start and a stupendous performance".[১৫][১৬][১৭]

মনা মথুম্[edit | edit source]

মনীপুরগী সেলুংপুরেল নোংথোম্বম বীরেন্না মীরাবাই চনুবু লুপা লাখা ২০ (মীলীয়ন ২) মনা ওইনা পীদুনা ইকাই খুম্ননী লাওথোক্খ্রে । ২০১৮দা মহাক অসী ইন্দীয়াগী খ্বাইদগী লৈবাক মচালীংগী থাক ৱাংবা মনা "রাজীভা গান্ধী খেল রৎনা" মনা পীদুনা ইন্দীয়া লৈঙাক্না ইকাই খুম্নখ্রে ।[১৮] ২০১৮দা মহাক অসী ইন্দীয়া লৈঙাক্না পদ্মা স্রী মনা পীদুনা ইকাই খুম্নখ্রে ।[১৯] ২০১৯দা কতরা মালেম্গী মসাননদা সনাগী মেদল ফংখী ।[২০] মহাক্না ২০২০দা তোক্যো ওলীম্পীক্সতা সীল্ভরা মেদল ফংখী ।

মতেং লৌরক্ফম্[edit | edit source]

  1. ↑ Sensational Mirabai Chanu snatches silver at Tokyo Olympics. The Economic Times (24 July 2021). Retrieved on 24 July 2021 ।
  2. ↑ Tokyo Olympics: Indian weightlifter Saikhom Mirabai Chanu wins silver medal (in en-US) (2021-07-24).
  3. ↑ তেম্প্লেৎ:Cite news
  4. ↑ Lifter Sanjita Khumukcham wins India's first gold medal at 2014 Commonwealth Games (24 July 2014).
  5. ↑ তেম্প্লেৎ:Cite news
  6. ↑ Mirabai Chanu wins gold at world Weightlifting Championships (30 November 2017).
  7. ↑ Tokyo Olympics: Mirabai Chanu becomes 1st Indian weightlifter to qualify for 2021 Summer Games (in en).
  8. ↑ July 24, India Today Web Desk. Tokyo 2020: Mirabai Chanu becomes 1st Indian weightlifter to win silver in Olympics (in en).
  9. ↑ Lifting hope | Saikhom Mirabai Chanu (in en).
  10. ↑ তেম্প্লেৎ:Cite news
  11. ↑ Highlights, Commonwealth Games 2018 Gold Coast: Weightlifters Mirabai Chanu, P Gururaja bring India glory on Day 1 - Sports News , Firstpost.
  12. ↑ https://www.iwf.net/new_bw/results_by_events/?event=472
  13. ↑ Mirabai Chanu breaks personal record to win national championship. Olympic Channel (4 February 2020).
  14. ↑ Mirabai Chanu Silver Tokyo 2020.
  15. ↑ PM Modi Congratulates Mirabai Chanu on Her Winning the Silver Medal in ... - Latest Tweet by ANI | 📰 LatestLY (in en) (2021-07-24).
  16. ↑ তেম্প্লেৎ:Cite news
  17. ↑ "India Is Elated": PM Modi Cheers Mirabai Chanu's Silver Olympic Medal Win.
  18. ↑ তেম্প্লেৎ:Cite news
  19. ↑ তেম্প্লেৎ:Cite news
  20. ↑ Commonwealth Games gold-medallist Mirabai Chanu wins another gold at Qatar International Cup (in en).


মপানগা সম্নবসীং[edit | edit source]

তেম্প্লেৎ:Commons category তেম্প্লেৎ:Footer Commonwealth Games Champions Weightlifting Women Flyweight তেম্প্লেৎ:Padma Shri Award Recipients in Sports তেম্প্লেৎ:Rajiv Gandhi Khel Ratna Awardees তেম্প্লেৎ:Olympic medalists for India

Retrieved from "https://mni.bharatpedia.org/w/index.php?title=ꯁꯥꯢꯈꯣꯝ_ꯃꯤꯔꯥꯕꯥꯢ_ꯆꯅꯨ&oldid=5348"