ময়াইৱাইরপ ওইবা মতম্গী কংলৈপাক
তেম্প্লেৎ:See also তেম্প্লেৎ:Distinguish
ময়াইৱাইরপ থংবা মতম গী কংলৈপাক্ অসী মালেম্ পুম্বগী মওংদা ওইনা য়েংলবদী ১০-১১ সুবা চহীচা অসীদগী হৌনৈ । পুৱারী নৈনবা কাংলুপ খরনা কংলৈপাক্ মনীপুরগীসু অসুম্না হৌহন্সী হাইবা য়াওই । অদুবু পুৱারী নৈনবা কাংলুপ খরনা ময়াইৱাইরপ থংবা মতম অসী মৈতীংঙু পাম্হৈবগী মতম্দগী হৌহন্সী হাইনবসু য়াওই ।
ভীস্নু লাইসং সাবা হৌরক্প edit
২মক্কী য়ানননবা কংলৈপাক্তা হীন্দু লাইনীংগী সাফু পীবা হৌরক্পা মতম্দগী হৌহন্সী হাইনা লেপ্নবসু য়াওই । অসুম্না য়েংলবদী কংলৈপাক্তা নীংথৌ সেন্বী কীয়াম্বনা পান্বা মতম অসীদা লমাংদোং দা মৈতৈ গী কোনুং ওইরম্বা মতম অসীদা ভীস্নুগী লাইসং অমা সাখী । অদুনা মহাক্না পান্বা মতম অসী দগী কংলৈপাক মনীপুরগী ময়াইৱাইরপ থংবা মতম অসী হৌরে হাইনা লেপ্নবা য়ারে ।
মৈতীংঙু সেন্বী কীয়াম্বনা পান্বা মতম্দগী অসুম নীংথোলোল মথং মথং পাল্লক্পনা নীংথৌ খাগেম্বগী মতম্দা কংলৈপাক তা অচৌবা অহোংবা লাক্খী ।
খাগেম্বা গী মতম্দা চাওনা হোংলক্প edit
নীংথৌ খাগেম্বগী মতম্দা কংলৈপাক তা ১) খাকী লৈপাক্ তগী লানমী লাক্তুনা লাল তৌরক্খী। ২) চীংমী কাংলুপ কয়া ইরাং হৌরক্খী । ৩) মীতৈ পাংগল্ খুন্থোক্লক্খী । ৪) অৱা লৈপাক্ তগী লান তৌরক্খী । ৫) লাইনীংথৌ সনামহীগী মীতম সাখী ।
খুমন লৈপাক মৈতৈ দা তীন্ব edit
ইম্ফাল কংলাদা মৈতৈ নীংথৌ পাইখোম্ব না পান্বা মতম্দা খুমন লৈপাক্ মৈতৈগী মখা দা মপুং ফানা পোনখী ।
নীংথৌ না হীন্দু লাইনীং লৌসীন্ব edit
মৈতৈ নীংথৌ চরাইরোংব মসামক হীন্দু লাইনীং লৌসীন্দুনা হীন্দু ওনখী । অদুবু মহাক্না মহাক্কী মীচম মীয়াম্দা মানা পাম্জবা লাইনীং অসী চৎনবা ইন্সীনখীবদী লৈখীদে ।
নীংথৌ পাম্হৈবগী মতম্ edit
নীংথৌ পাম্হৈবনা পান্বা মতম্দা কংলৈপাক কী মীতৈ কাংলুপকী লোন, লাইনীং, চৎনবী অসীনচীংবা মাইওন পুমনমক্তা অহোংবা লাক্খী। মহাক্না কংলৈপাক তা :- ১) মীতৈ পুয়া মৈ থাখী। ২) মীতৈ ময়েক্ মুথৎতুনা বেংগলী ময়েক্ (বাংলা-অসমীয়া ময়েক্) চৎনহনখী। ৩) মীতৈ লাইনীং (সনামহী লাইনীং) মুথৎতুনা হীন্দু লাইনীং (মীয়ানচা লাইনীং) চৎনহনখী। ৪) মীতৈ লোন্ দা বেংগলী লোন্ গী ৱাহৈ তখৎতনা য়ান্সীনখী। ৫) মীতৈ গী হরাও কুম্মৈ কয়া পাংথোক্পা থীংজীন্দুনা হীন্দু গী হরাও কুম্মৈ না মহুৎ সীল্হনখী।
মসীদা মাইচৌ ৭ কী লুচীং মখাদা নীংথৌ না তৌরীবা থবক্সীদা য়ানীংদবা ফোংদোক্লক্পা মী কয়াসু লৈখীদবা নৎতে। অদুবু নীংথৌ পাম্হৈব না ইরাং হৌরক্খীবা মীওইসীংদু খরনা হাৎখী অদুগা খরনা লোই থাখী । হীন্দু লাইনীং চৎলবা (চাওখৎলবনী খনজরবা) মৈতৈ খুননাই দগী লোইচীং লোয়া লম্দা লোই থাখ্রবা মীতৈ বু থাক হন্থরবনী অদুনা মাংলবনী হাইনা ইন্থোক্খী।
চীংথং খোম্বা গী মতম্ edit
অৱা লৈপাক না কংলৈপাক ১ন্বগী লৌসীন্ব edit
কংলৈপাক্ কী পুৱারী দা অৱা লৈপাক্ না লম্দম অসীবু ২রক লৌসীল্লী। অহান্বগী লৌসীন্বা অসী মৈতীংঙু চীংথং খোম্ব গী মতম্দা থোক্খী। মসীদা চীংথং খোম্ব না কসারা লৈপাক্ তা লানচেন্দুনা কসারা লৈপাক্ অমদী অহোম লৈপাক্ (তেখাউ লৈপাক্) কী মতেং লৌদুনা কংলৈপাক পু অমুক হননা মনীং মখা তম্হনখী। মসীদা তেখাও সীংগী মতেং ফংননবা তেখাও নীংথৌ সুরেম্ফাদা মৈতৈ গী মচাইবেম্মা কুরংগনয়নী (সীজা ফোংদালোক্পী) বু থাজদুনা লানমী গী মতেং লৌখী।
ভৈস্নবা লাইনীং চাওখৎলক্প edit
কংলৈপাক্তা অমুক হল্লক্লবা মতুংদা কাইনা চীংদগী থৈবোং ও য়াল্লগা গোবীন্দগী মীতম সাদুনা লাৎখী । মহাক্না নুমীৎ ৫ থংনা থংননা রাসা মন্দল ইকোন্দা জগোই রাস কুম্মৈ সানহনখী । মহাক্না কংলৈপাক্তা হীন্দু লাইনীংগী মনুংদা ভৈস্নভা লাইনীংদা অখনননা মাই ওন্সীন্দুনা চাওখৎনবা হোৎনখী । মহাক্না য়াওসং কুম্মৈ অসী হীন্দুগী হোলীগী মওংদা ওন্থোক্খী । মহাক্না সগোল্বন্দগী বীজোই গোবীন্দগী থাংগপাৎতা হৈক্রু হীদোংব কুম্মৈ পাংথোক্পা হৌহনখী ।