য়াইবীলেন মঙাং
য়াইবীলেন মঙাং (লেতীন-রোমান ময়েক্তা: "Yaibeelen Mangang") নৎত্রগা অৱাংবা মঙাং (লেতীন-রোমান ময়েক্তা: "Awangba Mangang") অসী মীতৈলোন ৱীকীপেদীয়াবু মপুং ফাব ৱীকীপেদীয়া অমা ওইনবা হোৎনরক্পদা অচৌবা থৌদাং লৌখীবা মীসক্সীংগী মনুংদা অমনী । মহাক্সী ৱীকীপেদীয়াগী মচীন মনাও থৌরাংসীং (ৱীকীপেদীয়া সীসতরা প্রোজেক) য়াওনা লোন কয়াগী ৱীকীপেদীয়া গী মসা মরেং (ৱীকীপেদীয়া ব্রান্চা) ৩৪ দা থৌ তৌই । পন্বা য়াবদী মহাক্না মীতৈলোন ৱীকীপেদীয়াদা ৱারেং ৪৩৬ লোম সেম্খী। মসীগী মনুংদা ৱারেং ১৭৬তী থংনা থংননা ইখী । হৌজীক ফাওবদা মহাক্না রীদাইরেক লমাই (লমাই অমদা হন্বা লমাই) ১৭৪ সেম্খ্রে । ইংলীস ৱীকীপেদীয়াদা মহাক্না ৱারেং ২২ সেম্দুনা ৱীকীপেদীয়া চাওখৎনবা হোৎনবদা মতেং পাংলম্মী ।
পন্বা য়াই মহাক্সী মীতৈলোন ৱীকীপেদীয়ানা "মরুম কোন্বা" (ইনকুবেতরা) ওইরীঙৈ মতম্দা খ্বাইদগী ইদীৎ (অহোংবা) পুরক্পা/তৌরক্পা সীজীননলোই (য়ুসরা) অমা ওইখী। লোগা অমদী ইদীৎ পুন্সীননরগা অপুন্বা মসীং ১১,৪৬৬ মুক লৈখী। মহাক্সী মালেম পুম্বগী ইনকুবেতরা সীজীননরীবা মী ১৭,০৫৬ কী মনুংদা খ্বাইদগী ইদীৎ অমদী লোগা তৌবা মীসক্সীংগী পরীংদা ১৫সুবা থাক্ (রেনক) তাদুনা অৱাংবা চাংদা সরুক য়াখী ।
ৱীকীপেদীয়াগী মসা মরেংদা পাংখীবা থৌ পুল্লপ পুন্সীননরগা অপুন্বা মসীং অসী ৩০,১৪৯ সুরে ।